Bīdreiba “As Latgolai” reikoj kuortejū izgleitojušū un praktiskū pasuocīni, itū raizi tei ir vidis sakūpšonys tolka
Tolkys laikā tiks sakūpts Dubnys upis krosta pūsms, taipat kluotasūšim tiks pasnīgta eisa pavyiceiba, kai ryupētīs par upis teireibu un biologiskū daudzveideibu, gon tuos krostūs, gon yudinī un kai saglobuot un attīstēt kulturainaviskū vierteibu. Tolkys dalinīkus uzrunuos Vidis specialists, Biologejis zynuotņu magistrs, vairuoku starptautisku vidis projektu dalinīks, eksperts Andris-Viesturs Urtans un ainovu arhitekte, telpiskuos planavuošonys magistre, eksperimentaluos fitoremediacejis duorza Sorkondaugovys upis krostā, idejis iniciatore un autore Ilze Rukšāne.
Iz tolku aicynojam pulcētīs Randaukys muižā 2014.goda 12.julī, suokums plkst. 10.00. Tolkys dalinīkim byus pušdīnis. Vokorā piec tolkys gida pavadeibā ekskurseja pa Randaukys muižu.
Bīdreibys ,”As Latgolai” vidis iniciativu Randaukā finansiāli atbolsta Latvejis vidis aizsardzeibys fonds.
![](https://lpr.gov.lv/wp-content/uploads/2009/logo/8492.jpg)