Daugavpiļs apleicīnes literati i muzykanti byus SĀTĀ!
Bīdreiba „Latgolys Studentu centrs” sadarbeibā ar veikal/kopejneicu „Sāta” 15.decembrī, 15.00 reikoj literari muzykalū pasuokumu „Latgalīts latgalīšam draugs” ci LaLaDra.Pasuokums ir kai tradiceja jau caturtū godu Adventa laikā Daugavpiļs pusē. Īprīkš pasuokums nūtyka Raiņa sātā Berkenelī, bet itū godu pasuokums nūtiks Daugavpiļs piļsātā.
Adventa laiks ir puordūmu laiks, lobu vuordu i gaideišonys laiks, deļ tam ari itūgod LaLaDra laikā latgalīšu literatu i muzykantu duovuos sovim klauseituojim sirds vuordus i dzīsmes. Pasuokums nūtiks ari ar labdareibys īvirzi – pasuokuma laikā vareis zīduot naudu studentis Sintejis Allis operacejai Vuocejā, kab jei atgiutu veseleibu piec vieža slimeibys.
Ka ari Tev ir kū saceit, dzīduot, skaiteit ci grybi zīduot Sintejai Allei – drūsai, svātdiņ (15.decembrī 15.00) gaidom iz LaLaDra kopejneicā „Sāta” (Vīneibys 17, Daugavpilī).
LgSC Daugavpiļs nūdaļa
