Kū var skaiteit jaunajā “A12″ numerī

Jaunuo žurnala „A12” numura tema – zynuošonys. Kai palikt par pasaulī pazeistamu muokslinīku – Marks Rotko nu Daugavpiļs. Slutišķu sādžys gudreibys i Sibira latgalīšu vīsmīleiba. Par mītiskajom zemem Baļtinovā, kurys pietejuse Rēzeknis Augstškolys ekspediceja. Interveja ar izaugsmis treneri Andžeju Reiteru, kurs bīži vuica Latgolys školuos i skaita, ka školuos nadreikst bārnim nūgrīzt sapynu spuornus.

Ekskluzivi – Latgolys sporta geografeja.

Seņču gudreibys mieneša fāžu zynuošonai i īsapazeišona ar kuplū Prikuļu dzymtu nu Rēzeknis.

Dzejneicys Annys Rancānis dzejis pyrmpubliciejums.

Žurnals „A12” – tim, kuri skaita i dūmoj. Pozitiva nūskaņa garantāta.

Ziņu sagataveja: LaKuGa piec „A12” informacejis