Festivalā „LABA DABA” izskanēs latgalīšu dzīsmis

Nu 2. leidz 4. augustam Vydzemē atpyutys kompleksā „Ratnieki” byus storptautiskais muzykys festivals „LABA DABA”, kurā itūgod izskanēs ari dzīsmis latgaliski.

Ar latgaliskom dzīsmem klauseituojus prīcēs folklorys grupa „Laiksne”, kurys pyrmsuokumi rūnami jau 1990. godu suokumā, kod dažaidu augstškolu studenti apsavīnuoja mīleisteibā pret folkmuzyku. Sovus spieceigūs bolsus Līgatnis pusē atruodeis Rūžupis kulturys noma folklorys kūpa „Rūžupis veiri”, kura dybynuota 2009. godā, taipat ari storp pasuokuma muokslinīkim byus Biruta Ūzuleņa i DJ MONSTA, kuri naseņ izdeve debejis albumu „Sauli sēju”, kurā sūpluok dzīsmem nu Kūrzemis pusis skaņ ari dzīsmis latgaliski.

Vaira par festivalu verīs labadaba.lv.