Grandiozi svātki Upītie!!!
Jaunīs Upītes kulturas i atpyutas parks tuodu ļaužu pīplyudumu redzeja pyrmū reizi; beja vairuok kuo 150 folkloras kūpu i etnografiskū ansambļu dalībnīku, symtam puori klausietoju i skatietoju i iz beiguom viel īzaroda tūristi nu Igaunejas – 160 riteņbrauceji, kas klausejuos Upītes etnografiskuo ansambļa sīvu dzidojumu jov tautas noma zālie.
„Rudins bolsūs” beja klausami burdona dzīdojumi, daudzbaļsība ar augšejū pavadbolsu jeb pusbalsi, kuozu dzīsmes, balādiskī dzīdojumi i prūtams apdzīduošona. Naiztyka bez puišu, meitu dančīm, skolu i sūla danča, kuo arī dzīdamī danči.
Upītes bārni i jaunīši muocejuos “Rudins bolsu” dzīduošonu jov vusas vosaras garumā pi Upītes etnografiskuo ansambļa teicejuom i 21.augustā vareja saleidzynuot sovu dzīduošonu ar daudzu pīredzejušu ansambļu dzīdojumīm.
Svātkūs pīsadaleja: Upītes etnografiskīs ansamblis, Upītes jaunīšu folkloras kūpa “Upīte”, Upītes bārnu folkloras kūpa, Rekavas v-skolas bānu folkloras kūpa, folkloras kūpa Rekavas dzintars, Šķilbēnu etnografiskīs ansamblis, Baltinovas etnografiskīs ansamblis, Medņevas etnografiskīs ansamblis, folkloras kūpa “Egle”, Kuprovas etnografiskīs ansamblis, Viļakas folkloras kūpa “Adzele”, i divejas kapellas nu Baļtinovas i Žeigurīm.
Projektu realizeja bīdrība “Upītes jauniešu folkloras kopa”