Vuicīs, puis!
Vuicīs, puis,
I sleipeij prōtu,
Cytaiž – loba gola nav.
Lai ar kū
Tu nūdūmōtu,
Pasaceits te vyss ir jau.
Godi skrīs
I aizness vysu,
Napamaneisi tu jūs.
Cikom jauns,
Ar pylnu sporu
Jem, kū zynōšonas dūs.
Šudiņ vyss
Ir apsagrīzīs –
Zemeslūde mudrōk skrīn.
Kas byus reit?
Vīn gudrīs zynōs,
Napastōstēs tū nivīns…
Vuicīs, puis,
I jemīs prōtā,
Niule cyti laiki klōt –
Izdzeivōs,
Kurš īzavuicēs,
Sevi jaunu izveidōt!