Aš…

Aš nazynu niule – kū dareit man,
Kod vieleišonu dīna te byus.
Aš nasagribīs i dzierdeit kai skan
Tī sūliejumi, kū gvaltom te pyuš.

Aš rōdīs, ka nasamainīs nikas,
Tik salutus byukšinej, kongresūs īt,
Aš – soku vēļ reiz i vēļ reizi – aš…
A Makašānūs sōk cylvāki smīt.

Aš beja tok syudu tolka tū reiz,
Niu jōtaisa divys, lai nūteireit.
Aš vīnreiz tok byutu jōizbeidz
Ar māslym acs myusim aizsmiereit!

Aš verīs cīši, kod bolsōtu ej,
Lai tovu rūku navolda cyts.
Aš natici, kod tev čarku kaids lej –
Cytaižōk otkon byus jōmeklej mīts.

23.05.2010