Snīgtum rūku

Kas sorguos mārgas gūdu,
Kod cieški kuoja sleid?
Kai tūlaik – tai i šudiņ,
Nivīns te napaleidz…

Tu lobpruot rūku snīgtu,
A jo nu nasaprass?
Tod augli – Dīva līgtū
Byus obim sūpluok ēst?

I byusi otkon Odums,
Jei – Īva pavastuo…
Moš cytaiduoks bej suokums,
Navys – pēc īrostuo?

Voj šudiņ daudz ir Īvu,
Kas patīseibu zyn?
A rūku ceļ pret Dīvu,
I čyusku nasamyn…

Cik vīgli zaudēt giutū,
Cik nazynomuo daudz…
Cik spielejās ar jyutom…
Cik mēlis malūs klaudz…