Latgolas arhetips

Dzeja roduos Osvalda Zvejsaļnīka gleznu īspaidā. Lasieju rokstu laikrokstā “Diena”, i cīši īsapatyka itī vōrdi – Puče iz lūga i bazneicas tūrņi dbesīs. Taipat kai Osvalda dorbūs ar kruosom, bez vuordim…

Puče iz lūga
I bazneicas tūrņi debesīs…
Tei pasaule myusu,
Kurā es mūkūs,
Kura tik bezgaleiga…

Kai gribīs,
Sagiut tevi aiz rūkas,
Meileiba muna,
Cīsšonas, veiksme un prīca,
I nūlemteiba.

Puče iz lūga…
Caur tevi pasaulē verūs!
Iz kotra muokuļa maleņas
Pārkiuņa laikā –
Nūspīdums tovs…

Bazneicas tūrņi…
Naz kaidi kleruki zvona,
Reita lyugšonai mūdynoi vysus,
Tik vokora mīram
Sorgeņgels kotram sovs.

Dīna pēc dīnas,
Aizskrīn stykuona kuojom.
Dzeives musturi tai kai colonka auž…
Sirds paceļ spuornūs,
Gribīs tū ikdīnu lauzt.

Puče iz lūga,
I bazneicas tūrņi debesīs…
Pīdūd, dzymtuo sāta, muna!
Nu tevis pasaulē eimu,
Vairs mani nasasaukt…