Tai ītaiseits
![](https://lpr.gov.lv/wp-content/uploads/2007/lauds/1734.jpg)
Tai ītaiseits.
Zīmā varēsim pampt zam kolduru. A feini- proskrīņ, pabeidz nerveņus, a zīmā siedi rehabilitacejā. Vīneigi jau tei nervu beigšona sev i cytim nikod naapsastuos
Maņ pateik. Prīca, ka itūgod saguo teišom skaisti Leigū i Juoņi – “Gluži, kā sendienās”. Guņskurs 4m augsts, 4 kubi molkys pylns; sātys ols; breineiga atmosfera, dzīsmis, danči; plus apkuort augūšuos lupīnys bonusā, kurys leiguo atseviškai. Saguo smīklys – Pi myusu dzerauņā i cytur nūvāruots, ka juos stuoda pi vysim pakšim, kopūs – lai ir šmuki. A tī juos saaugušys, kai zaraza. Varēm tod vīns ūtru šļopuot pa mugurom. Vierbu,vierbu.
Dūmoju, ka dajebkaidūs svātkūs voi cytuos saīšonuos, labi, ka sazavuoc cylvāki ar leidzeigi dūmojūšu funktīri. To cytim nu molys ir gryuši ībraukt tymā humorā i izguojīņūs. Īsoku tū īlāguot. Taipat par jiusem gādnu runu ir pīteikamai . Breineigi svātki ir tī, kur breineiga i atsauceiga publika.
Vosora ir ari izlaidumu laiks. Par tū narunuošu, jo maņ nazkai jau nu sovys 9.klasis nav patykuši “Svineigī pasuokumi”. Siedi, durakam leidzeigs, sveisti, skaiti panteņus, kū tev īdūt školuotuoja, i kurus jau zyna vysi , i tyss vyss – lai byutu “Skaisti” . Ite munys dūmys. Najimt ļaunā.
Tok verīs – nūtykumim ir tendence sekuot nūtykumim. Niule vyss pasauļs gamanej par M.Džeksona nuoveiti. Oi,oi,oi…cik sļikti. Maņ jau nav nikas pret tū. Nui, cylvāks īguo muzykys i pasauļa viesturē. Tok suok kaitynuot itei puorlīku leluo kaukšona i gauduošona. Ļauds mierst. Tai ītaiseits.
Paļdis dīvam, TV nazaveru, jo maņ tī nav kuo redzeit. Cytu ziņu tī nav (tai vysmoz maņ tāvs pastuosta J ). Maņ ruodīs, kod nūmyra Juoņs Puovuls II, nu golvonīs katuoļu bazneicā, rauduošonys beja mozuok.
Muna probaba beja cīši interesanta personeiba. Proguose Sibira izsyutiejumu…, bet ni par tū. Jei sovulaiku sacē – “Iz pasauļa golu cylvāki suoks pīlyugt ni tūs kū vāg.”
Da, tok kotram gribīs sova kriejumeņa, sova pīneņa, sovys teritorejis, lai varātu dzeivuot mīreigi. Ja ir teritoreja, tod gribīs jū nūstyprynuot. Seņ asu puorzalīcynuojīs par paralelem “zīpu operuos” i “prostū dzeiveiti”. Tuos paralelis nava tuoli juomeklej. Es tū puorzalīcynuoju studeju godūs, kod dažim draugim mīleibys jūmā luopieju dvēselis. Vysaidys “razvodkys”. Cylvāks ir spiejeigs… nūūū, iz daudzkū Tai ari dzierdieju par serialim Radejis jūmā. Ari bazneica nav nikur tuoļuok tykuse nu “Krysta i Zūbyna”. Metodis palykušys tuos pošys, tik izpiļdiejums sovaižuoks . Puorejuo tauta – ir tauta.
Tai ītaiseits.
Radeja ir kai Princeseite stykla kolnā. Vāg atīt tam “pareizajam”, kas jai mutis dūtu, i ar tū byutu apmīrynuoti vysi. VYSI . Verīs – jau vysaidi precinīki nuokuši – Daugpiļs krīveņi, Reigys žydi, Poša katuoļu bazneica…… A, jei sagloboj navaineibu tam “eistajam”. Tok zynoms, ka jaunaveibā nūmiert ari var.
Jebkurai saimineicai sovs taiseitīs kriejums pateik lobuok, nakai sābru Moņis. Atguodoju nu sociologejis lekcejom, ka plašuokā publikā ir juoizavairuos runuot par trejom temom – Religeja, Politika i Sekss. Kotram byus koč kas sovs kū pasceit Gaumis i vīdūkļi acaškir.
Tai ītaiseits.
Ari tyvu draugu storpā, daž runojūt, teiksim, par muzyku, vari īzadzeivuot kaidā nadraugā. Kurš vāluok grybātu tev īdūrt nazeiti storp luopsteņom, i pasceit “я за ножик отсидел”
Pīmāram, es sovu bierneibys draugu gaumi asu īzavuiciejs ignorēt Nav, kai maņ gribīs – nu i?
Tai ītaiseits.
Citiešu vīnu gastroenterologu, dokturu– “Izavairit nu garlaiceigim cylvākim”
P.S – Pa vosoru iedit i kruojit vitaminus.
Roksta olūts: ite!