i vēļ dzeja bārnim…
![](https://lpr.gov.lv/wp-content/uploads/2006/baneri/974.gif)
Septeni vieji nu četrom pusem pyuš.
Ui, kai pyuš, a voi gaudoj?
– Septeni vieji?
Septenis bezdeleigys iz divim vodim sēd.
Ui, kai sēd, a voi tup?
– Septenis bezdeleigys?
Septenis spāris laidelejās ap vīnu saulispuči.
Ui, kai laidelejās, a voi lidoj?
– Septenis spāris?
Septeni muokyuni dabasūs peļd.
Ui, kai peļd, a voi šyupojās?
– Septeni muokyuni?
Es eimu pa pļovu vīna.
Ui, kai eimu, a voi skrīnu?
– Vīna poša?
Nā,
…..septeni vieji,
…………….septenis bezdeleigys,
…………………………….septenis spāris,
………………………………………….septeni muokyuni
…………………………………………………………. leidza maņ!
Tai- pa vydam
Nu, kai ta tev, bierneņ, īt?
Nav ni švaki,
nav ni labi.
Ir tai – pa vydam.
Nu, kai ta tev, bierneņ, nav solts?
Nav ni solts,
nav ni korsts.
Ir tai – pa vydam.
I kur ta tu, bierneņ, īsi?
Ni pa labi,
ni pa kreisi.
Tai – pa vydam!