Ontona veļtejums puorlīcynuotajīm atkritiejīm

Puorsaverūt sovus rūkrokstus, atrodu tai kai ņikur nanūpybliceitys ailis. Nu, paskaitit, meilī Lakugys draugi! Es tādiņ saprūtu, ka tī bejušs muni luosta vuordi puorlīcynuotajīm atkritejīm, dieļ tuo nivīnā kruojumā nav īlykti. Ontons.

mīrdībakial mījaksilagtalan (nanūvielejums)

sevkuram pret sevi
sūpret stuot
sūplok gryutū varynuot
vysu vari vuordzynuot
patikt napateikomam
iztikt naizteikomam
rūkys naceļt lyugšonai
gūdu nūsvīst pyusšonai
ticeit viņ ar naticeibu
guoduot viņ ar progoreibu
nasev palikt
ūtram atbyut
montam patikt
goram zust
zaudeit naatrūnamū
naolkt nasasnādzamuo
roznā saīt
nūstyn lipt
īgyut nasaprūtamū
laikam laiku napīlaikuot
aizmierstīni sludynuot
šūdīņdīnis nūstuojīni
pusguojumā pagrauduot
saprasšonu nūstruopeit
daspīst vysus skrīt i skrīt
reita reitā nasatikt
aizpareita napīzeit
īmontuotū naredzeit
dvieseleigū pyuru duorgū
iztierguot i meit
nasaviertīs atpakaļ
naredzeit iz prīšku
vīneigi tī īškā byut
kur vyss da šuo paradeitīs
soltā gunī gryuzd
2002.