Atim Auzānam i Daugovpiļs oranžajam kūram albums!
![](https://lpr.gov.lv/wp-content/uploads/2008/edite/1709.jpg)
Albumā īkļautys 11 kompozicejis, storp kurom ir gon kūra pyrmais singls – latgalīšu tautys dzīsme “Kur gaismeņa”, gon originaldorbs sadarbeibā ar Lieni Šomasi “Ar Tavu vārdu”, kas ir ituo breiža aktualuokais singls i jau skaņ Latvejis radeju stacejuos, gon ari cytys TV skateituoji īmeiļuotys dzīsmis – Maikla Džeksona “Earth Song”, īru tautys dzīsme “Belle of the Belfast city”, “Electric Light Orchestra” radeituo “Rock and Roll is King”, rokgrupys “Elpa” “Senā dziesma” i cytys. Albuma īrokstā pīsadaliejušs ari gostu muokslenīki, kas kūram paleidzēja ari šova laikā – Liene Šomase, Andris Ērglis, Arturs Uškāns i Inga Zeile nu “Laimys Muzykantim”, kai ari rokgrupys “Elpa” basgitarists Valdis Rundzāns.
Daugovpiļs oranžais kūrs ci kai tautā saukts – Latgolys kūrs – tika sataiseits 2008. goda vosorys beiguos, kab pīsadaleitu TV3 šovā “Koru kari”. Muzyķa Ata Auzāna vadeibā kūrī dorbojuos 14 jaunīši nu vysys Latgolys. Pošu reizi kūrs aktivai koncertej dažaiduos Latvejis vītuos nu Ludzys leidz Līpuojai i koncerttūrē pusgoda garumā jau snāgušs vaira kai 100 koncertus.
Albuma izīšonu kūrs atzeimova 16.majā ar lelkoncertu Reigys Kongresu nomā, kurā pīsadalieja ari Lelvuordis violetais kūrs i Līpuojis sorkonais kūrs i gostu muokslenīki – Liene Šomase, Igo, Lauris Reinis i cyti.
Albuma izdeviejs ir bīdreiba “Latgolys Producentu Grupa”, albums īraksteits skonu īrokstu studejā “Skaņuraksti”, mikss i māsters – Atis Auzāns.
Albumā īkļautūs dzīšmu saroksts:
1. Kur gaismeņa (Latgaliešu t-dz., Artūra Uškāna apdare)
2. Самба Белого Мотылька (Konstantīns Meladze)
3. Pieklauvē (Z Muktupāvels/ G.Račs)
4. Rock and roll is king (Jeff Lynne)
5. Ar tavu vārdu ( piedalās Liene Šomase) (A.Auzāns/ I.Priede)
6. Senā dziesma (piedalās Andris Ērglis) (J.Logins/ A.Skalbe)
7. Rikšiem bērīt’ es palaidu… (Latviešu t-dz)
8. Belle of the Belfast city (īru t-dz.)
9. Ghostbusters (Ray Parker Jr.)
10. Stay (Levy/ Fahey/ Stewart)
11. Earth Song (Michael Jackson)
Vaira par Daugovpiļs oranžū kūri – www.soundsystems.lv