Latgalīšu muzykys labdareibys koncerts Peliečūs

Apreļa 30 dīnā Preiļu rajona Peliečūs nūtyka kuortejais latgalīšu muzykys labdareibys koncerts latgaliskys “Latgolys Radejis” atbolstam. Pīsadaleja: Vinsents Kūkuojs, “Dzyga”, Inga i Normunds, “Maskačkas spieļmani”, “Out of Horizon” i “Likteneigais pagrīzīņs iz Vainovu”.

Pelieču kulturys nomā saguo pulka ļaužu – tai ka na visim beja kur sēdēt. Tak i sēdēt beja nikod – vīns piec ūtra muzykanti spielieja vysaiduokus ļusteigus latgalīšu muzykys gobolus. Pasuokums suocēs ostoņuos stuņdēs vokorā i beidzēs tik piec pusnakšu ap vīnim naktī.

Nuokamais latgalīšu muzykys pasuokums paradzāts jau ituos pīktdinis vokorā Kruoslovys kuļturys nomā!