Sovvaļnīka ūtrei dzīsme ar V. Lukaševiča vuordim

Laiks skrīn namonūt, i informacejis poli izdzieš naizdzeivuotys i napajustys lopyspusis. Vosorā planavuotais muzykys albums „Sūpluok”, kū studejā īroksta muzykalais projekts „Sovvaļnīks”, pīduovoj klauseituoju viertiejumam sovu ūtrū singlu „Gruomotom navā vuoku” (muzyka – Sovvaļnīks, teksta autors – V.Lukaševičs).

Austrumnīciskais atsasaciešonuos i sova ego aizmiersšonys princyps rītumnīkam vysod izsaucs zynomu diskomfortu i paniku, bet latvīts sovā folkloristikajā gorā tam bejs tyvai. Tū meklei i tymā izeju rūn ari myusu dīnu muzyki, ailinīki, kotrs, kas grib atsasaceit ci vysmoz īrūbežuot kvantutativū ruodeituoju dominanti sevī i pasauļā sev apleik.

Paradokss dzen izmisumā pruotu, bet ļaun sadziierdēt sirdi. Ka koč kas ruodās naīspiejoms, tys nanūzeimoj, ka navā ceļu, kai tū var padareit īspiejomu. „Gruomotom navā vuoku” ir dzīsme par cylvāka dobu, kurai pīteik ar mozumeņu, na deļ tuo, ka krīze, bet gon, ka byuteiguokais taids eistyneibā ari ir.

„Sovvaļnīks” ir dzīsminīks, kas dzīsmē īgierb latgalīšu ailis. Projekts teik realizēts ar Latgolys regiona atteisteibys agenturys Latgolys Kulturys programys atbolstu.

Dzīsmi var nūsaklauseit ite:
notikumi.delfi.lv/news/music/article.php?id=23934081