Gruobekļi
/Vīns veltiejums/
Tu dūmoj, ka vyss byus labi
maņ pateik tovs optimisms
as pīkreitu, ka vysus naizvuicēt
niule vysi gudri…
kioskā struoduot!!!!
tik viņ, kai golvā i piļsātā!!!
Tī jūs vysus navar vainuot
Deļkam dzeivuot tymsejā pūrā.
A, myusu lobuos meitinis zaudej navaineibu
ar pūstaža zānim nu 509a
a, tīm kas gaida juos sātā
juoauklej jūs dāli
kod nibejs reiz vysim
juoizkuopj iz gruobekļa
koč i byus par vālu.
* * *
Vamaklys raun
nu puorlīku sterilim cylvākim.
Maslova piramida
ir puorzamainiese.
Pedanti sovā dzeivūklī
žālojās poši sev i sev
Naradzūt saulis atspaidu
nūmyra Nesija.
* * *
Pusvīnūs naktī
ar šmukim cylvākim
īdzert šņabi
nav nikaidys vainis.
2 miljonu vaļstī naasi
taids vīneigais.
nu, i kas,
ka myusdīnu vierteibys
mašiņe, dzeivūklis i jauns kredits.
* * *
Šudiņ pi papīžu daauguši pauti
navarēs elegantu valsi grīzt.
neirožu apjimtīs kačs
trisinejūt tausta sev venys.
lai jis nūzamīrej
daškeiru jam titulu –
Goda labuokīs morga darbinīks.
* * *
Vysi verās pornokinys
da pusis ci nu juos
piečuok piec puordzeivuotuo
pīzvona seņ naradzātim draugim
Aizdūd latu!
Juzika vakar nabej sātā.
* * *
Verūs salutu! WoW!
Mozu bārnu breivpušdiņis
Spareigi lidoj gaisā
Poukš,poukš!
Alleluja! nūspīdz bārni
Sāru, zūbstorpuos kūšļuodami leidz.
* * *
Piļsāta Latgolys sirdī
pilsāta ir, Latgolys nav
treis godi, kai pīci atpakaļ
vakardīnā pazakuorīs Cibeņš
viņ dažim izraisa orgasmu.
* * *
Aacarūnūt bezlaika telpā
Suoku runuot ar ausim
Piecpušdiņē gribieju atslēgt gaisu
Tik nazynuoju cikūs
Vīneiguos atmiņis atrodu
nu juļa
kod bazneickungs vēme
nu kuozu.
* * *
Apčakariešona byutu juoīkļaun
īkš CV pi prasmem i īmaņom.
Meiluokī muokslinīki izdūd Cd
singla formātā
I, žālojās cik gryuši tū izdariet.
Nu vakardīnys gazetys
sataisieju kruosuotuoju capuris
sev i pleminīkam.
Izaver, kai palītuoti gondoni.
Verūs speideigajā sekcejā
navaru saprast…
Kurš ta šudiņ beja kieneņš.
* * *
Tupu mistiskā vītā.
Baudu duorgus,
nikam navajadzeigus dzierīņus.
Verūs iz meitušku čūkstim.
ateimu te puors godūs reizi
meituškys mainuos, čūksti nā.
Navar saprast dūd naudu niule
Voi piec tam.
Nūžāluot var tik vīnreiz.
Cylvāka leluokuo klaida
Ka jis grib mainiet sovu
lobuoku dzeivi
iz asūšū.
* * *
Es tevi naizavielieju par mūzu
Tu poša
Sev nazynūt
tai i padevi kandidaturu.
Ar tū
maņ niule
byus juosadzeivoj kaidu laiku.
Vucānam izaruodē taisneiba
Vysi mes te taidi čudni sazapuļcieši.
Pusplyku doncojūt
Mani varē redzēt
viņ puora reižu.
Rēzeknis Klondaikā
i
Militārajā veseleibys puorbaudē
