Latgolys Radejis zinis (25.11.2008.)

Daugavpils dūmis konferenču zalā nūtyka prezentaceja, kuramā Latgolys uzjiemieji informāti par īspiejom veiduot biznesu ar Pūlejis partnerim. Pūlejis viestnīceibys Latvejā Ekonomikys nūdalis puorstuovju reikuotajā pasuokumā Latgolys regiona uzjiemiejim snīgta informaceja par Pūlejis ekonomiku i turismu. Vītejī uzjiemieji tyka īpazeistynuoti arī ar investiceju īspiejom Pūlejā i tū nūsacejumim.

Caturtdiņ, 27. novembrī, Rēzeknē vīsneicā “Latgale” nūtiks ikgadejuo Latgolys regiona struktufondu konference. Konferencis īvodā kluotasūšī tiks īpazeistynuoti ar 2007.-2013.goda planavuošonys perioda ES strukturfondu aktualitatem. Piečuok paradzāti četri atseviški seminari.

Leivuonu nūvoda dūmis specialisti naizslādz īspieju, ka tyvuokūs godu laikā tyltam puor Dubnys upi, kū ekspluatacejā nūdeve tikai pyrma pīcim godim, bys vajadzeigs maineit asfalta sagumu.

Itūgod Daugavpiļs Gluobšonys dīnests iz iudinim izgluobs 11 cylvākus, tymā skaitā septeņus mauduotuojus Stropu azarā i četrus mauduotuojus Daugovā. Dīvam žāl 12 cylvākus nav izadevs izgluobt. Kai skaidroj Gluobšonys dīnesta iz iudinim darbinīki, golvonī nalaimju cālūni ir alkohola lītuošona, veseleibys problemys i vīglpruoteiba.