Latgolys Radejis zinis (29.10.2008.)
Daugavpilī bārnu apryupis tīseibys itūgod atjimtys jau 69 vacuokim. Statistikys dati līcynoj, ka godu nu goda piļsātā itaidu vacuoku skaits nasamazynoj. Bārnu apryupis tīseibu atjimšonys vacuokim golvonī īmasli ir vardarbeiba saimē, cīš lela alkohola lītuošona i vacuoku pīnuokumu napiļdeišona.Rēzeknis Kultūrys nomā divuos stuņdēs tiks atkluots konkursa “Kai gudrai iztērēt 100 latus?” Latgolys reģiona 1.-4. klašu školānu 20 lobuokūs dorbu izstuode. Tuos laikā tiks apbolvuoti Latgolys regoina lobuokuo dorba autors, kai ari kluotasūšī tiks īpazeitynuoti ar psihologa secynuojumim par tū, voi bārni izprūt naudys vierteibu.
Šudiņ trejūs Rēzeknis dūmis Konferenču zalā nūtiks seminars “Muojūkļu lykumdūšona. Dzeivojamū sātu puorvaldeišona i apsaimnīkuošona. Energejis taupeišonys pasuokumi sātuos”. Informej Diāna Zirniņa Rēzeknis piļsātys dūmis Sabīdriskūs attīceibu nūdalis vadeituoja.
Šudiņ Daugavpils Universitātē suokās i leidz 31. oktobram turpynuosīs starptautiska konference “Dvina, Dzvina, Daugava”, informej DU Sabīdriskūs attīceibu i informacejis daļā. Konferencē daleibu jem ap 30 zynuotnīki nu Boltkrīvejis, Lītuvys i Latvejis. Konferencis mierķs ir veicynuot sadarbeibu starp Latvejis, Lītuvys i Boltkrīvejis zynuotnīkim i dobys aizsardzeibys specialistim.
