Muzykys konti i kari

Eisi par vysu piec kuortys: par bankom, karim, reitingim, 90 i nanūtykšonom jeb jaunuokuos viests par i ap grupu “Bez PVN”.

1) Beidzūt ari BezPVN īgivušs sovu konta numeri (179) Latvejis radio 2 SEB Muzykalajā bankā 2008, par kū asam cīš prīceigi – kai na kai pyrmuo vysys vaļsts mārūga muzykala aptauja, kurā dūta īspieja pīsadalēt ari myusim. Tāņ itymā sakorā prīcuosimīs par atbolstu www.muzikalabanka.lv
(bolsuot var reizi nedeļā), sms veidā (syutūt MB 179 iz 159 (bolsuot var reizi dīnā, kas Dīvam žāl moksys pakolpuojums 0,15 Ls apmārā).

2) Topu padareišona. Prīca, ka kotru nedeli kluotu īt kaida jauna taida reitingu liste 🙂 Ka nav slynkums, uotri vari puorskrīn cauri vysom zamuok nūruodeitom saitem i, kur radzi “Screen” drūši spīd “Balsot”:
Kurzemis radeja – www.kurzemesradio.lv/?cat=top
Latgolys Radeja: www.lr.lv/?menu=topi
Valmīrys Radeja: www.radiovalmiera.lv/top20
Latvejis Muzykys kanals: www.lmk.lv/video/voting.php
LTV7 SeMS: sems.ltv.lv/lat/topi
Kai ari
Radio 3: www.radio3.lv
I nūteiktai cereibys nav myrušs iz
Radio SWH Priekšnams: www.radioswh.lv/swh/top.php?id=76&topid=prieks , kur īprīškejā nedeļā grupa bej 2.vītā!!!

3) Varbyut vaicuosi, deļ kam tik aktivai juobolsoj i kam tī vysi topi vādzeigi? Nu tod skaidrojom, ka pyrmuort, tys veicynoj dzīsmis rotāceji radio stacejā (kū auškuok, tū vaira spielej i kuram gon napateik bīžuok dzierdēt dzīsmis, kas pateik, i pi tuo „Bez PVN“ kai veļ Latvejā mozuok zynomai grupai tys eipaši svareigi), ūtrkuort, Latvejā teik veidūts ari taids tops kai Latvian Airplay top 50, kas rūnuos nu vysim Latvejis topim summejūt vītys:
www.lanet.lv/news/airplay/new.html
I myusim ir lapnums sacēt, ka taisni ar itaidu Tovu atbolstu vysūs topūs, jaunuokā topā par paguojušū nedeli asom bejušs 3. vītā – auškuok nu vysim latvīšu izpiļdeituojim Top 50 i tys ir ūtrs leluokais kaida latgalīša sasnīgums itymā topā. Par tū pateiceibys tik i vīneigi Tev!!!

4) Asom prīceigi viesteit, ka grupai cīš veiksmeigai nūsaslāgus ari akceja “Iededzies par Latviju – Klubu nakts”, kur lelajā TOP 90 īkliva vasalys treis grupys dzīsmis – “Screen”, “Tymsa, tymsa” i “Mozuo”. Niu gaideisam lelūs svātkus, kur ari Tev varbyut (ka organizatori izavieleis) byus vareiba doncuot zam latgalīšu ritmim dzīšmu jaunuos remiksātuos versejuos.

5) Dīvam žāl pi vysom prīcom ir ari kaida naprīceiga viests – 24.okt. teik atcalts “Kabatā” paradzātais koncerts. Kai smejīs tehniski īmasli – vīnam nu grupys daleibnīkim vys tik juobyut uorpus Latvejis i tai kai jis nav īsavuicejs teleportacejis spieji, tod nu tai saīt, ka nasaīt. (Ka varbyut zini, kai tys doroms, pačuksti ari myusim!)

6) Bet nu tai kai gribīs nūbeigt ar prīceigu zini, ka varbyut kaids nazyna, tod TV3 jaunajā šovā “Kūru kari” Daugovpiļs (nu bet pryncypā jau Latgolys) kūra sastuovā Ata Auzāna vadeibā dzīž ari “Bez PVN” Guntis (daGunchi)! Iz juo dzīduošonu TV ekranā var apsaviert kotru svātdini plkst. 20:20. Veļ vīns Tev varbyut zynomuoks cylvāks Daugovpiļs kūrī ir ari Jurs Vucāns nu „L.P.I.V.“

Nu itai reizei dūmojams, ka ir gona i daže drusku vaira 🙂

Veiksmeigai i turam buru! 😉

Bez PVN