“ATZOLYS” 2008
![](https://lpr.gov.lv/wp-content/uploads/2005/dezuratteli/23.jpg)
Iz tom jaunom atlasem lai ir vysa myusu cereiba i par jom lai mes vysvairuok guodojam. Izaugs lelys atlasis, tod ari vacim kūkim jūs pakrieslī byus loba atpyuta.
Kazimirs Skrynda
“ATZOLYS” – jaunīšu vosorys seminars jaunīšim nu 15 da 19 godu, kam interesej Latgola i latgaliskais.
MIERKIS: īpazeistynuot jaunīšus ar Latgolys nūvoda viesturi i kulturu, paleidzēt apsazynuot sova dzymtuo nūvoda kulturys sovpateibu, byut lapnam par jū.
Seminarā “Atzolys” apgiusi latgalīšu rokstu volūdu, latgaliskuos tradicejis, latgalīšu literaturu, kulturviesturi, tū apvīnojūt ar lītdereigu i aizraujūšu atpyutu.
“Atzolys” – tei ir vareiba byut latgaliskā vidē kūpā ar vīnaudžim i nasabeit runuot latgaliski i apsazynuot sevi kai latgalīti.
Atzolīši – ļauds, kas runoj, dūmoj, dzīd, sepinej i sapynoj latgaliski!.
Seminars nūteik
Riezeknis rajona Bieržgalī nu 2008. goda 18. – 21. augusta.
Daleibys moksa Ls 15,-.
Ceļš da Bieržgalei i atpakaļ juomoksoj pošim daleibnīkim.
Dasasaceišonys kuorteiba: sovu CV syut pa postu:
Atzolys, Atbreivuošonys aleja 103 – 42, Riezekne, LV – 4601
voi e-postu:
lgsc@inbox.lv
Pīsacejumus gaideisim da 2008. goda 9. augusta.
Seikuoku informaceju atsyuteisim pa postu ci e-postu.
Vaira dazynuošonys:
lgsc@inbox.lv voi 26460299 (Ilona)
Atzolys (arī atlasis) – atvasis, jaunī dzynumi.