Borowai gaidoms ui, lobs albums!
![](https://lpr.gov.lv/wp-content/uploads/2007/bodrap-bildis/952.jpg)
Fanfarom skanūt (kotrs pats dadūmojit) ar prīku i lapnumu teik ziņuots, ka Borowa Mc tūp jauns albums!
Pavysam nasen telefonintervijā LR “Radio Bumbai” Betmenc paziņuoja, ka kūpā ar Sedmenu un puorejim bīdrim placu pi placa struodoj pi jaunuo grupas albuma, kam dūts vuords “Ui, lobs!”
Albums dīnysgaismu īraudzeis septembri, kod suoksīs ari grupys koncerttūre pa vysu LV – gaidi ari sovā pylsātā.
Bet da tuo – jau pavysam dreiž izdzierdiesi Borowa Mc jaunū singlu, kas 16. juļī suoks skanēt radio stacejuos.
Tys nūteikt nav vyss – nu Borowas taču navar nagaidēt puorsteigumus 😉