Vasals Rēzeknis pusē!
Pošlaik Rēzeknis rajona padūmē realizej Latgolys kulturys programmys projektu “Vasals Rēzeknis pusē!”. Projekta ītvorā paradzāts izveiduot 15 minūšu garu videoklipu par Rēzeknis rajonu, kū varātu izmontuot, īpazeitynojūt cylvākus ar latgaliskuos vidis savdabeibu i kultūrviesturiskū montuojumu Rēzeknis rajonā. Tymā tiks raudzeits apkūpuot svareiguokuos Rēzeknis rajona kultūrys, dobys, tradiceju i cilvieciskuos vierteibys. Videoklips tiks īrunuots latgalīšu volūdā ar subtitrim latvīšu, krīvu i angļu volūduos. Tys teik dareits ar mierki izcelt latgalīšu volūdu kai vīnu nu nūzeimeiguokajom rajona kultūrviesturiskajom boguoteibom.Šudiņ Leivuonūs suoknās akceja – “Duovynoj pučis sovai pylsātai”, kas īvoda pylsātys svātku pasuokumus itymā nedelis nūgalē. Leivuonūs pilsātys svātku laikā, pi Latgolys muokslys i amatnīceibys centra 28. junī 17:00 svineigai atkluos tradicionalū floristu veiduotū puču vilni.
Rēzeknis Augstškola itymā vosorā (1. julī) atzeimej 15 godu jubileju. Kai pastuostie RA Sabīdriskūs attīceibu nūdaļā, šudiņ četruos stuņdēs nūtiks Sv. Mise Rēzeknis Jezus Sirds katadrālē, bet reit pīcūs Rēzeknis piļsātys Kultūrys nomā Rēzeknis Augstškola sovim darbinīkim duovynoj svineigu jubilejis pasuokumu.
