Iz laiku sliegs divejus bārnuduorzus Rēzeknē
23.junī, policeja vysā Latvejā reidūs aizturiejuse 95 autovadeituojus, kas pi styures beja sādušīs reibumā i kuru organismā alkohola koncentraceja beja viers 0,5 promilem. 20 autovadeituoji pi styures brauce, byudami narkotiskūs voi psihotropūs vīlu ītekmē, bet vel 89 šoferi brauce dzārumā, taču napuorsnīdze daļaujamū promiļu daudzumu organismā. Reidūs struodova 355 ceļu policejas darbinīki i vel 227 policisti nu cytom strukturvīneibom. Kūpumā tika puorbaudeiti 7864 autovadeituoji.
Nu šudiņes da 27.juņam Valsts rūbežsardzis koledžā (VRK) Riezeknē nūtiks XI Valsts rūbežsardzis kinologu sacenseibas, kuramuos pīsadaleis kinologi ar dīnesta sunim nu VRS teritorialajom puorvaldem, VRK, Īslūdzejuma vītu puorvaldis, muitas, kai ari nu Lītovas, Igaunejas, Pūlejas, Krīvejas, Boltkrīvejas rūbežsardzis. Kinologi ar dīnesta sunim sazaceņs narkotiskūs vīlu vaicuošonā ustabuos, transporta leidzekļūs i bagažā.
Pyrma vosorys Saulgrīžim Višķu pogosta dzeivūtuoji tymšajā dīnnakts laikā vairuokas dīnas nūvārovuši nazynuoma lidojūša objekta pasaruodiešonu, tai šudiņ roksta laikroksts “Neatkarīgā”. Tam leidzeigs objekts Višķu apleicīnī radzāts arī agruok. Nalyugtais gosts pamaneits zīmā, i maja beiguos pusūtru nedeli pogostu apmekliejs tik regularai vairuokas dīnas pec kuortys, pasaruodūt ikreizi vīnā vītā, ka cylvāki jau zinovuši, kod lidūnim juopasaruoda.