Rēzeknē atkluos “Leax Baltix” ražūtni
Šudiņ Riezeknis rajona Ūzulainis pogosta “Tēviņos” Zvīdrejas metalapstruodis kompanejas “Leax Group AB” meitysuzņāmums “Leax Baltix” atkluos ūtru ražūtni Latvejā. Ražūtne izvītūta bejušajā Riezeknis mežryupnīceibas teritorejā, kas tika puorbyuvāta atbilstūši myuslaiku ražūšonys standartim. Kūpejais projekta investiceju apjūms ir kaidi pīci miljoni eiro, i pi pylnas ražūšonys jaudas pluonūts nūdarbinuot 120 darbinīkus. “Leax Baltix” jaunuo ražūtne Riezeknē saražūtū produkceju pilneibā eksporties.Ar 1.augustu nu dorba atbreivūtajim AS “Rebir” struodnīkim nabyus reali izreiz atrost jaunu dorbu Riezeknis pylsātā voi rajonā, arī tuodeļ, ka Nūdarbinuoteibas valsts aģenturas Riezeknis filialā nav tik lels skaits reģistrietū vakanču, tai atzyna Nūdarbinuoteibas valsts aģenturas Riezeknis filiala vadeituoja Ināra Šindarjova. Riezeknis filiala datubāzī tāņ i kotru dīnu “apgrūzejumā” ir kaidas 100 vakancis. Tāņ dorbs teik daduovuots vysaižu transportleidzekļu vadeituojim, celtnīkim, gonim, gaļis izcirtiejim, miebeļu kruosuotuojim, puordeviejim, pavuorim i cytu profeseju puorstuovim. Jau ziņūts, ka Nūdarbinuoteibas valsts aģenturas Riezeknis filials sajiems oficialu “Rebir” paziņojumu, ka ar 1.augustu nu dorba tiks atbreivūti 533 uzņāmuma struodnīki.
Šudiņ plkst.13 Daugavpilī Latgolas Centraluos bibliotekas skaiteitovā tiks atkluota Latvejas Nacionaluos bibliotekas ceļūjūšuo izstuode “Birkerta bibliotēkas”.Gunārs Birkerts ir pasauļā pazeistamuokais latvīšu izcelsmis arhitekts. Amerikas Arhitektu instituta izveidūtuojā 150 vysu laiku lobuokū ASV izcaltū kuormu sarokstā īrindūtas divejis Birkerta projektātuos celtnis – Mičiganas universitatis Tīseibu izpietis kuorms i Korningas Stykla muzejs.Izstuodē apsaveramas Birkerta biblioteku kuormu fotografejas, video kolažis, kai arī “Gaismas pils” ustabiskuo prezentaceja.
