Latgolys Radejis zinis (10.06.2008.)
![](https://lpr.gov.lv/wp-content/uploads/2005/dezuratteli/79.jpg)
14.juņs ir Pasaulis Ašņa donoru dīna. Par gūdu itim svātkim Vaļsts Ašņadonoru centra Latgolys filiale ituo goda 13. junī organizej ašņa zīduošonys akceju, kurys devize ir “Ar vīnu reizi par moz!” Šymā svātku dīnā donorus gaida suveniri i cyti jauki puorsteigumi! Rēzeknē īdzeivuotuoji aicynuoti īsarast 18.novembra īlā 41 A nu plkst. 8.00-15.00! Pasaulis Ašņa donoru dīnu atzeimoj apmāram 70 valstīs par gūdu Karla Landšteinera dzimšonys dīnai. Pasasokūt juo atkluojumam par cylvāku ašņa grupuom, vysā pasaulī ašņa puorlīšona nūris veiksmeigi i ļaun izaveseļuot daudzim cylvākim.
Šudiņ ar publiski pīejamū interneta punktu prezentaceju Daugavpiļs Universitatē Latgolā simboliski nūslēgsīs 150 publiski pīejamūs interneta punktu izveidūšonys 1. pūsms. Vysi interneta pīeejis punkti ir apreikuoti ar internetam pīslāgtu datortehniku voi internetkioskim. Projekta kūpejuos izmuoksis 529 942 lati, tymā skaitā ERAF finansejums – 67,5% i nacionalais leidzfinansejums – 22,5%.
11.junī, plkst.13 Daugavpilī, Latgolys Centraluos bibliotekys (LCB) laseitovā, tiks atkluota Latvejis Nacionaluos bibliotekys (LNB) ceļojūšuo izstuode “Birkerta bibliotekys”. Gunārs Birkerts ir pasaulī pazeistamuokais latvīšu izcelsmis arhitekts. Sovukuort Latvejā Birkerts pazeistams kai Latvejis Nacionaluos bibliotekys, tai sauktuos “Gaismys pils”, projekta autors. Ceļojūšuo izstuode LCB byus apskotama leidz 11.juļam.
Nūdarbynuoteibys valsts agenturys (NVA) Rēzeknis filiale sajēmuse oficialu AS “Rebir” paziņojumu, ka ar 1.augustu nu dorba tiks atbreivuoti 533 uzjāmuma struodnīki. AS “Rebir” valdis i padūmis sagatavuotajā paziņuojumā saceits, ka uzjāmums ir spīsts samuozynuot štatus, jū strauji pīaug uzjāmuma produkcejis izmuoksys, tryukst valsts atbolsta eksporta produkcejis puordūšonā, tryukst kvalificātu darbinīku. Aprelī nūdarbynuotūs skaits uzjāmumā beja 1000 cylvāku.
Caturdiņ, 12. junī, pl. 12.00 Daugavpilī gastneicā “Park Hotel “Latgola”” nūtiks publiskū biblioteku atteisteibys projekta “Trešais tēva dēls” Latgolys regiona nūslāguma pasuokums. Tuo mierks ir informēt sabīdreibu par veiktajom izmaiņom publiskajuos bibliotekuos i pasasacēt Latgolys regiona biblioteku, pošvaļdeibu i cytu īsaistētūs pušu cylvākim par nasavteigu dorbu. Kluotasūšajim byus īspieja nūsaskatēt projekta gaitā tapušū dokumentalū filmu par biblioteku modernizaceju “Anastasija”.
20.junī Bolvu rajona Viļakā nūtiks pīminis zeimis atkluošona nacionalajim partizanim. Pīminis zeime Viļakā aiz Rūmys katuoļu bazneicys uzstuodeita 55 Stompaku mežā i cytuos kaujuos kritušajim Viļakys apkuortnis nacionalajim partizanim. Paradzāta ari atmiņu piecpušdine Viļakys kulturys nomā. Piec Latvejis Nacionalū partizanu apvīneibys pasyutejuma pīminis zeimi ar akmens plāksnē īgravietim partizanu vuordim izgatavovs akmeņkaļs Pēteris Kravalis.