Latgolys Radejai 2 godi!
![](https://lpr.gov.lv/wp-content/uploads/2008/edite/1144.jpg)
Leidza ar Latgolys Radejis raideišonys suokšonu 2006. goda 9.junī Latvejis austrumu dalī sūpluok vītejom i vaļsts mārūga radejis stacejom pasaruodeja ari jauna regionala leimeņa radejis staceja. Latgolys Radejis raideituoji atsarūn Rēzeknē 103 FM, Daugovpilī 95,2 FM i Jākubpilī 95,8 FM frekvencēs, bet tei ir dzieržoma nu Aizkrauklis leidz Ludzai i pošai Latvejis dīnvidu gola pīrūbežai Daugovpiļs i Kruoslovys rajonūs. Kai duovona klauseituojim paradzāts, ka itūvosor beidzūt tiks uzsuokta ilgi gaideituo apraide nu Bolvu pusis, kab Latgolys Radeja byutu dziežama vysā Latgolys regionā.
Itūgod dzimšonys dīna natiks atzeimuota ar lelim svātkim, bet, pasasokūt Rēzeknis piļsātys atsauceibai, 29. julī vysus radejis klauseituojus aicynojam sasatikt kluotinē Latgolys Radejis muzykys daņču naktī “Eiropas Tautu festivāla” laikā, kur uzastuos taidys grupys kai “Likteneigais Pagrīzīns iz Vainovu”, “Bez PVN” , “Borowa MC” i pasuocīni vadeis radejis DJ – „Raibais Suņs”, Ainārs un Tenis.
Zam paguojušuo goda beigu pasasokūt “Latgolys Producentu Grupai” veiksmeigai tyka izdūta “Latgolys Radejis dzīšmu izlase # 1” i iz prīšku paradzātys leidzeigys aktivitatis!
Prīcojamīs, ka itūs diveju godu laikā asam spiejuši sevi paruodeit kai uzticamu i klauseituoju meiļuotu radejis staceji, kas kasdīnys programā lelu viereibu pīvierš eipaši vītejim ļaudim, nūtykumim, muzykai, i naaizmierst ari par pasauļa aktualitatem. Veiksmeiga izaveiduojuse ari sadarbeiba ar pašvaldeibom.
Iz prīšku attīsteiba saistoma tik ar lobom puormaiņom bez jau īprīšk sauktom – ar juli Latgolys Radejis programa byus dzieržama vysu dīnnakti, paradzāti uzlobuojumi radejis sātys lopā www.lr.lv i cytys dažaidys aktivitatis klauseituoju prīcai.
Dzimšonys dīnys nūskaņuos sokam lelu PAĻDIS sovim klauseituojim i aicynom ari iz prīšku byut kūpā i klauseitīs “Sovu radeju”!