Latgolys Radejis zinis (27.05.2008.)
![](https://lpr.gov.lv/wp-content/uploads/2005/dezuratteli/79.jpg)
Šudiņ Daugavpils dūmis Socialūs lītu puorvaldē bārnim nu socialuo riska saimem tiks organizeita lekceja par uzvedeibu pi iudiņa i ceļu satiksmis nūscejumim. Lekceja nūteik Starptautiskajai bārnu tīseibu aizsardzeibys dīnai veļteitūs pasuokumu laikā, kas turpynuosīs leidz 2.juņam.
Reit, 28.majā Socialū lītu puorvaldē bārnim paradzātys grupu nūdarbeibys, bet aizreit, 29.majā, Saimis atbolsta centrā – puosoku terapeja “Muni sapyni”. Sovukuort 30.majā ir paredzātys grupu nūdarbeibys vacuokim.
Šudiņ Daugavpilī Slāvu kulturys dīnu laikā nūtiks Daugavpils ukraiņu kulturizgleiteibys bīdreibys “Mrija” pīcu godu jubilejis pasuokums plkst.15.00 Daugavpils rajona kulturys nomā suoksīs svātku koncerts i bīdreibys pīcu godu jubilejis svineibys, bet plkst.17.00 Krīvu nomā nūtiks Krīvu dzīsmu svātki i krīvu dzīsmu izpiļdeituoju koncerts. 28.majā plkst.17.00 Krīvu nomā suoksīs Folklorys muzykys svāki i nūtiks folklorys kolektivu koncerts. 29.majā, Boltkrīvu kultūrys dīnā, plkst.17.00 Daugavpils Logopēdiskajā internatpamatškolā- attīsteibys centrā nūtiks ļaļu teatra izruode “Kvīšu vuorpeņa”. Sovukuort, plkst.18.00 Daugavpils teatrī nūtiks M.Čarota lugys “Mikitas vīze” izruode, svātku koncerts ar Boltkrīvu kulturys centra i boltkrīvu kulturizgleiteibys bīdreibys “Uzdim” rodūšūs kolektivu pīsadaleišonu.
Šudiņ plkst.10.00 reitā Preiļu rajona tīsa planoj skateit SIA “Lettglas” moksuotnaspiejis lītu. Jau ziņuots, ka uzjāmuma moksuotnaspiejis pīteikumu Preiļu rajona tīsā īsnīguš Leyvuonu stykla ryupneicys darbinīki, kuri, kai atzynuš uzjāmuma puorvaldneica Svetlana Goreva, itaidu sūli spert asūt spīsti, lai napalyktu bez otolguojuma. Jau ziņovom, ka aizvadeitajā nedeļā Leivuonu nūvoda dūme nūsyutiejuse īraksteitu viestuli SIA “Lettglas” jaunajam eipašnīkam, vaļdis lūcekļam Haraldam Rolfam Linhartam ar vīnuošonūs dokumentu, kas paradz nūdūt Leyvuonu stykla muzeja eksponatus pošvaldeibys vaļdejumā.
Juņa pyrmajā dīnā vysi jiekabpilīši teik aicynuoti iz Krustpils saleņu, kur pulkst. 11.00 suoksīs Bārnu Svātki. Jiekabpilī itī svātki kai namaineiga tradiceja teik reikoiti jau daudzus godus, bet ikreiz ir eipaša dīna, jo gaviļnīki ir na tikai bārni, bet ari jūs tāvs ar muoti, kai ari vacvacuoki.