„Dabasu Durovom” jauna dzīsme

Trešdiņ, 2008.gods 14.majā sovu pyrmatskaņuojumu pīdzeivova grupys „Dabasu Durovys” jaunuo dzīsme „Soldons leits”.

Ituos dzīsmis teksts ir radeits sadarbeibā ar latgalīšu jaunū rakstnīku Oskaru Orlovu (pseidonīms – Raibīs Suņs). Muzykys autors un teksta leidzradeituojs ir grupys „Dabasu Durovys” dalinīks Arns Slobožaņins. Jaunuos dzīsmis autori stuosta, ka tei ir par boltu, bīzu sovstarpeji ciļvieceigu vibraceju mejīdarbeibu, par dzeivē pīļautom klaidom i tūs lobuošonu.

Ņiu grupa „Dabasu Durovys” struodoj pi sova pyrmuo muzykys aļbuma „Ļepetņīks” īzdūšonys sadarbeibā ar bīdreibu „Latgolys Producentu Grupa”. Plānuots, ka pi klauseituoja albums tiks jau ituo gods rudinī, pīduovojūt 11 dzīsmis, kas radeitys pārn un aizpārn. Albumā īkļautys dzīsmis, kurys īgivuš klauseituoju atzineibu grupys koncertūs, tymā skaitā ari da itam zynomuokuos nu „Dabasu Durovu” dzīsmem – „Piparmātru Čajs”, „Bezpruotā” un „Vipingys Blūzs”.