Latgolys radejis zinis (25.04.2008.)
![](https://lpr.gov.lv/wp-content/uploads/2005/dezuratteli/79.jpg)
Lobkluojeibys ministre Iveta Purne šudiņ regionalajā vizitē apmeklēs Daugavpili. Vizitis laikā īcarāta tikšonuos ar Daugavpils dūmis prīšksādātuoju Ritu Strodi, Daugavpils rajona padūmis prīšksādātuoju Janīnu Jalinsku i vietējem masu medijim. Ministre apmeklēs arī socialuos apryupis i rehabilitacejis centru i tiksīs ar Daugavpils pilsātys socialū īstuožu vadeituojim i socialuo dorba veiciejim.
Ludzys rajona padūmis deputati daškierušs 300 latus Ludzys evaņgeliski luteriskuos draudzis bazneicys fasadis sakuortuošonai. Pīškiertūs leidzekļus draudze izlītuos opoluo lūga izgatavuošonai i uzstuodeišonai viers dīvnoma īejis. Pošlaik lūga vītā asūšū caurumu aizsadz celtnīceibys plēve. Draudzei ir izaveiduojuse loba i ilga sadarbeiba ar zemnīku saimnīceibu “Krekeri”, kas ari veiks lūga izgatavuošonu piec viesturiskajom potograpejom, kuru tapšonys laiks datejams ar 19.godusymta nūgali i 20.godusymta suokumu.
Preiļūs šudiņ konkurss “Tūpit skaistuokys myusu muojis -Preiļu nūvods”, tuo mierkis ir īsaistūt Preiļu nūvada īdzeivuotuojus, izgleiteibys īstyuodis, organizacejis i veikalus, radeit nūvoda tālu acim teikamuoku. Aicynuot nūvoda īdzeivuotuojus i struodojūšūs pīsadaleit konkursā.
Šudiņ Spūdreibys nedeļā Jākubpils dūmis darbinīki teireis muorka molu Filozofu īlā i stuovvītu pretim breivdobys muzejam “Sieļu sāta”, arī Daugavpils cītūksnī šudiņ nūtiks spūdreibys tolka. Tolkā aicynuoti pīsadaleit visi interesenti. Tolkys nūslāgumā, apmāram četruos stuņdēs, paradzāta radūšuos apvīneibys “Kāpēc 5” akceja “Uguns skulptūras instalācija”.
Kamerorkestris “Sinfonietta Rīga” kūpā ar izcilū sopranu Sonoru Vaici i Latvejis Radio kūri dirigenta Sigvarda Kļavas vadeibā šudin plkst.18 koncertēs Rēzeknis kulturys nomā. Ituo koncerta vīnojūšais elements ir soprāna solo, kai arī romantisma īzeimis īzvālātajūs skaņdorbūs.