Latgolys Radejis zinis (3.04.2008.)
Rēzeknis uzjāmumam “Rēzeknes ūdens” maineiti kapitala daļu turātuoja puorstuovji, Rēzeknis dūmis kapitala daļu turātuoja puorstuovs SIA “Rēzeknes ūdens” turpmuok byus dūmis Byuvvalde, bet kapitala daļu turātuoja lāmumu pījimšonys tīseibys nūdūtys strukturvīneibys vadeituojai Ilvijai Pastarei.
Šudiņ reita dasmytā stuņdē Daugavpils dūmis konferenču zalā nūtiks seminārs “Vai saime ir vierteiba Latvejis sabīdreibā?”, seminarā planuots izvierteit situaceju regionā nu saimis vīdūkļa, diskuteit par pasuokumim, kas veicynuotu saimis kai vierteibys pīaugumu, par saimis svātkim “Ģimene – Latvijas lepnums un spēks”. Pasuokumā paredzāta arī Krīzis gryutnīceibys centra i nūdybynuojuma “Fonds Ģimenei” prezentaceja.
Bolvu piļsātys Kulturys i atpyutys centrā šudiņ pīcūs piecpušdīnē nūtiks Informacejis dīna dzeivuotuojim par pylsūneibys dabuošonys vaicuojumim. Informatīvuos tikšonuos laikā specialisti informēs Balvu piļsātys napylsūņus i cytus interesentus par naturalizacejis procesu i citim Latvejis pilsūneibys dabuošonys veidim, kai ari naturalizacejis puorbaudejumu saturu latvīšu volūdā, Latvejis viesturē i Satversmē.