Latgolys Radejis zinis (13.03.2008.)
Šudiņ dorba vizeitē Daugavpili apmeklej īkšlītu ministrs Mareks Segliņš. Ministram planavuota tikšonuos ar Daugavpils dūmis i Daugavpils rajona padūmis vadeibu, īpazeišonuos ar Vaļsts gunsdzieseibys i gluobšonys dīnesta Daugavpils brigādis, Drūšeibus policejis Daugavpils reģionāluos nūdalis, Vaļsts rūbežsardzis Daugavpils puorvaļdis, Daugavpils piļsātys i rajona policejis puorvaļdis dorbu i personālsastuovu. Daugavpilī Segliņš apmeklēs arī 16. vydusskūlu i Cītūksni, bet ministra vizeite nūsaslēgs ar lada hallis apmekliejumu.Rēzeknis tīsa šudiņ nūlaseis sprīdumu Balvu rajona Policejis puorvaļdis policistam Aigaram Pužulim, kurais apsyudzāts par 18 godus vaca jaunīša nuovejūšu nūtrīkšonu braucūt alkahola reibumā. Kai ziņuots, Rēzeknis rajona prokurors Andris Škutāns bejušajam Balvu rajona Policejis puorvaļdis policistam lyudze pīmāruot četru godu cītumstruopi i autovadeituoja tīseibu atjimšonu iz divejim godim. Apsyudzeiba lyugus pīdzeit nu Pužuļa cītušuo jaunīša saimei morāluo kaitiejuma atleidzeibu 5250 latu apmārā.
Augstuokuos tīsys Kriminallītu tīsu palātā šudiņ paradzāts apelācejis kuorteibā suokt skateit kriminallītu par Saeimys vieliešonu rezultatu vyltuošonu Kubulu pogostā. Apelacejis syudzeibys par Latgolys apgoboltīsys sprīdumu tīsā īprīkš īsnīdze kriminallītā nūtīsuotuo, bejušuo pošvaļdeibys prīkšsādātuoja i 9. Saeimys deputāta Jura Boldāna i juo dāla Igora Boldāna advokati. Jau ziņuots, ka Latgolys apgoboltīsa Boldānu atzyna par vaineigu apsyudzeibuos par 9. Saeimys vieliešonu biļetenu vyltuošonu Balvu rajona Kubulu pogostā i pīmāruo jam realu breiveibys atjimšonu iz ostonim mienešim.
Šudiņ Boltkrīvejis piļsātā Vitebskā turpynojās Daugavpils Izgleiteibys puorvaļdis darbinīku delegacejis pīredzis apmainis vizite. Deveni Daugavpils Izgleieteibys puorvaļdis vadeibys puorstuovji i skūlu direktori paredziejuš apmeklēt Vitebskys Jaunradis nomu, sporta školys i muzeju.
Pīpraseituokais nu Preiļu nūvoda dūmis Socialuo dīnesta pīduovuotajim pakolpuojumim febralī bejs socialuos vyrtuvis pakolpuojums, – pušdinis sajāmuš 18 tryuceiguos personys, kai arī 14 pensionari i invalīidi. Dīnā videjai socialū vyrtuvi apmekliejuš 17 personys.
