Latgolys Radejis zinis (29.02.2008.)
Šudiņ Norvēgejā, Ārendālē, Rēzeknis rajona padūme, Rēzeknis piļsātys dūme, Norvēgejis Aust-Agderas apgobola pošvaļdeiba i Ārendāles pošvaļdeiba pagarynuos savstarpejuos sadarbeibys leigumu. Jaunajā leigumā, kas byus spākā leidz 2011. goda 31.decembram, golvonuo uzmaneiba pīvārsta konferenču i seminaru reikuošonai dažaidu nūzaru specialistim, pīredzis apmainis braucīnim, atbolstam NVO i kūpeigu projektu realiziešonys atteisteibys veicynuošonai.Raimonds Vējonis šudiņ apmeklej Daugavpili. Dīnys pyrmajā pusē ministrs apmeklēs Daugavpils rajona pošvaļdeibys, bet piecpušdinē īsarass Daugavpilī. Vīnūs ministrs tiksīs ar Daugavpils Dūmis prīkšsādātuoju Ritu Strodi. Raimonds Vējonis apmeklēs uzjāmumu “Daugavpils siltumtīkli” i īsapazeis ar sātu energoefektivitatis paaugstynuošonys programmys realizaceju Daugavpilī.
Rēzeknis piļsātys dūme arī turpmuok jaundzymušajim duovynuos suveniru – sudobra karūteiti ar Rēzeknis piļsātys logotipu i vuoceņus bārna dzimšonys aplīceibai. Suveniri tiks pasnīgti bārna vacuokim, kurī registriejuš jaundzymušū Rēzeknis piļsātys dūmis Dzymtsarokstu nūdaļā, bet bārna vacuokim (vysmoz vīnam) dzeivisvītai juobyut deklarātai Rēzeknis piļsātys pošvaļdeibys teritorejā.
AS “Ditton pievadķēžu rūpnīca” peļņa pārn beja 108 234 lati, līcynoj kompanejis narevidātais finanšu puorskots, kas publiskuots Reigys Fondu biržā. Sovukuort AS “Daugavpils lokomotīvju remonta rūpnīca” zaudiejumi pārn beja 1 097 459 lati.
