Latgolys Radejis zinis (26.02.2008.)
Reigys apgoboltīsā šudiņ plkst. 15.30 plānuots lemt par tū, voi atceļams Latgolys apgoboltīsys lāmums nūdrūšynuot AS “Rēzeknes siltumtīkli” praseibu apkīluot SIA “Latgales enerģija” kustamū montu i naudu par vairuok nakai 880 000 latu.Šudiņ plkst.12 Preiļu Valsts gimnāzijas aktu zalā nūtiks Preiļu Biznesa inkubatora izveidis projekta nūslāguma konference, “Interreg IIIA” projekta “Jauno uzņēmēju aktivitātes un prasmju attīstīšana, izmantojot savstarpēju sadarbības tīklu Latvijas, Baltkrievijas un Lietuvas pierobežas teritorijās” nūslāguma konferencē tiks apsprīsta projekta gaita – projekta ītvorūs nūtykušuos aktivitatis i sasnīgtī rezultati.
Rēzeknis rajona padūme, Rēzeknis piļsātys dūme, Norvegejis Aust-Agderas apgobola pošvaļdeiba i Ārendāles pošvaļdeiba ir nūlāmušys pagarynuot sadarbeibys leigumu, kai Latgolys Radejai pastuostie Rēzeknis rajona padūmis sabīdriskū attīceibu speciāliste Laura Ieviņa, sadarbeiba starp itom pošvaļdeibom nūteik jau nu 1994.goda. Itū godu laikā realizāti vairuoki starptautiski projekti, nūtykuši pīredzis apmainis braucīni, turkluot finansiali teik atbalsteiti daudzi Rēzeknis rajona i piļsātys bārni, snīgta arī cyta veida socialuo paleidzeiba dažaidom Rēzeknis rajona īstuodem. Sadarbeibys leigums starp četrom pošvaļdeibom tiks paraksteits 29.febralī Ārendālē i byus spākā leidz 2011. gada 31.decebrim.
Nu šudiņdīnys leidz 1.martam Kruoslovys rajona Skaistas pogostā, atpyutys bāzē “Dridži”, nūtiks Zīmys škola ekoizgleiteibā. Zīmys školys dalinīki apmeklēs Daugavpils Universitātis Ekologejis institutu, pieteis zivju populacejis Latgolys azarūs, sprīss par izpētis rezultatu izmontuošonu azaru apsaimnīkuošonā, abinīku i ruopuļu sugu atjaunuošonu dobā, apmeklēs Daugavpils zooduorzu, īpasazeis ar ekoizgleiteibys i dobys vuiceibu metodem.
