Apstiprinuota Leivuonu integrātuos atteisteibas programma
![](https://lpr.gov.lv/wp-content/uploads/2005/dezuratteli/79.jpg)
Integrātuos atteisteibas programmā Leivuoni sevi pozicionej kai tradicionaluo montojuma, modernū tehnoloģeju, riteņbraucieju i zaļū ziņu nūvodu, kas vīnlaikus ir ari reģionaluos nūzeimis centrs supluok cytim centrim Latgolā.
Aizvadeitajuos breivdīnuos Jiekabpilī pēc mediciniskuos paleidzeibas pi traumatologa viersušīs vairuoki suņu sakūsti cylvāki.Vysim suņu sakūstajim snīgta pyrmuo mediciniskuo paleidzeiba – vysi jī sajiemuši vakcinu pret trokumsārgu i tuoļuokū uorstēšonūs turpinoj ambulatori. Itamā sokorā Jiekabpils dūmis Pylsātsaiminīceibas departamenta direktors Raits Sirmovičs devs SIA “Jēkabpils pakalpojumi” reikojumu nedeļi pastiprinuotai giut klaiņojošus suņus.
Šudiņ Daugavpils tīsa viersīs mirušuos septeņus mienešus vacuos meitineitis lītu. Aizdūmuos par meitineitis nūgalinuošonu teik turāta juos muote – kaida 1989.godā dzimusi sīvīte. Beidzamuo goda 21.juļī Daugavpils Policejas puorvaldē tika sajemts izsaukums iz kaidu dzeivūkli Šaurā īlā, kur atrosta miruse septeņus mienešus vaca meitineite.
Šudiņ Daugavpils tīsa pluonoj viertīs ari četru pusaudžu lītu par Daugavpils kopu apguoneišonu beidzamuo goda augustā. Par kopu apguoneišonu apsyudzāti diveji 15 godus, vīns 16 godus i vīns 14 godus vacs jaunīts. Apsyudzeiba kopu apguoneituojim calta pec Kriminallykuma 228.panta 2.daļis. Par itaidu lykumpuorkuopumu paradzāta breiveibas atjemšona da sešim godim voi naudysstruope da 100 minimalajom mienešolgom.