Latgolys Radejis zinis (21.01.2008.)
Šudiņ Krīvejis viestnīks Latvejā Viktors Kaļužnijs atvodu vizeitē apmeklēs Daugavpili. Daugavpilī viestnīks tiksīs ar piļsātys dūmis vadeibu, pošvaļdeibys deputātim, sabīdriskū organizāceju puorstuovjim, apmeklēs Krīvejis ģenerālkonsulātu, tiksīs ar tuo darbinīkim, kai arī pīsadaleis pasuokumā Krīvu nomā, kur tiksīs ar Latgalis piļsātu mērim, sadarbeibys partnerim i personom, ar kurom sovys darbeibys laikā jam izaveiduojuš lobys attīceibys. Jau ziņuots, ka Krīvejis prezidents Vladimirs Putins atbreivuojs Viktoru Kaļužņiju nu Krīvejis viestnīka Latvejā omota i juo vītā īciels bejušū Krīvejis Centrāluos vieliešonu komisejis vadeituoju Aleksandru Vešņakovu.Šudiņ Latgolys apgoboltīsa planoj skateit vairuokkuortejā kukuļu pījimšonā apsyudzātuos Daugavpils Zemisgruomotu nūdalis prīkšnīcis Valdas Strodes kriminallītu. Izskateišonai Latgalis apgoboltīsā krimināllītu nūdeve Ģenerālprokuratūrys Sevišķi svareigu lītu izmekliešonys nūdaļis prokurors Arvis Miglāns. Jis paude puorlīceibu, ka pyrmstīsys izmekliešonys laikā savuokts gona daudz pīruodejumu 30 kukuļu pījimšonys gadejumūs. Leidz ar tū krimināllītā ir 30 epizodis.
Šudiņ, – dīnā kod pyrma 88 godim Rēzekne tyka atbreivuota nu boļševikim/lelinīkim, pi ākom piļšatā juoizkar vaļsts karūgi. Kai Latgolys radeju informē Rēzeknis dūmis sabīdriskū attīceibu nūdaļis vadeituoja Diāna Zirniņa, lāmums par vaļsts karūga paceļšonu Rēzeknē 21. janvarī pījimts 2003. godā, jamūt vārā vairuoku piļsātys īdzeivuotuoju mutiskus prīkšlykumus i 1920. goda 21. janvara viesturiskū nūzeimi Rēzeknis, Latgalis i Latvejis viesturē.
