Jākubpilī bārnim breivpušdinis
Jākubpils vyspuorizgleitojūšū skūlu pirmklasnīki nu ituos pirmūdines, 14.janvara, da vuiceibu goda beigom sajims breivpušdinis. Tai nūlieme Jākubpils dūme. Prīšksādātuojs Leonīds Salcevičs saceja, ka par šaidu lāmumu asūt runuots jau godu īprīšk, taču nāasūt bejs politiskuos gribys tū eistynuot.Šudiņ plkst.20.00 Rēzeknis piļsātys kulturys nomā nūtiks piļsātys i rajona tautys deju kolektivu sadancs, kurā pīsadaleis desmit rajona i pīci piļsātys deju kolektivi. Pasuokums teik organizāts jau aptuveni 20 godus, parosti tys nūtek janvarī. Deju kolektivi jau pošlaik aktīvi gatavejās vosorā gaidamīm Dzīsmu i deju svātkim i aprelī gaidamajai izvierteišonys skatei par daleibu svātkūs.
Šudiņ ituo goda pirmajā Rāzekņys dūmis siedē skateja vaicuojumu par grūziejumim 2006.goda 22.decembra apstyprynuotajā Rēzeknis dūmis Dorba samoksys nūlykumā. Siedis dorba kuorteibā īkļauti ari vaicuojumi par Rēzeknis dūmis daleibu storpregionu sadarbeibys programmys INTERREG IVC prioritatis “Inovacejis i zynuošonu ekanomika” atkluotajā konkursā, par braukšonys moksys apstiprinuošonu pasažiru regularīm autopuorvoduojumim Rēzeknis piļsātys maršrutūs, par īškejuo auditora omata vītys izveiduošonu Kvalitatis vadeibys i īškejuo audita nūdaļā. Taipat lamts par Kulturys komisejas izveiduošonu, kai arī skateiti citi vaicuojumi.
Šudiņ plkst.18.00 Rēzeknis rajona padūmis konferenču zalā nūtiks ikgadejīs Rēzeknis rajona sporta aktivistu apbolvuošonys pasuokums. Apbolvuošona nūtiks pīcuos nominacejuos. Pasuokumā “Rēzeknis rajona sporta laureats 2007” jī tiks sveikti i apbolvuoti par lobīm sasnīgumim sportā i īguļdejumu sporta atteisteibā. Bolvūs tiks pasnīgts sporta inventars, kuru sariupiejuši pasuokuma sponsori i Rēzeknis rajona Bārnu i jaunatnis sporta skūla.
Šudiņ plkst.12.00 Ludzys rajona padūmis zalā nūtyka seminars latgalīšu valūdys entuziastim “Ci skaņ latgaliski?”, kurā beja īspieja īpasazeit ar jaunuokom Latgolys Kulturys centra izdūtuom gruomotom i Latgolys Studentu centra aktualitatem. Projekta mierkis ir vuceitīs pošim i vuiceit cytus cīneit kulturu daudzveideibu, kas itymā gadiejumā ir latgalīšu volūda. Projekta laikā jaunīši mieginuos apzynuot steriotipus par latgalīšim i tūs cāluoņus, kai arī diskriminacejas veidus.
