Janvara barikažu atceris laiks

Atzeimējūt 1991.goda janvara barikažu atcerys laiku, nu šudinis da 25.janvaram Latgolys Kulturviesturis muzejā, Rēzeknē, tiks eistynuota muzejpedagogiskuo programma “1991.gods – barikažu laiks”. Apmeklejūt tū, 6.-12.klašu školāni varies uzzynuot par 1991.goda janvara barikažu nūtykumim Zaķu solā i Dūma laukumā Reigā, īpazeitīs ar barikažu daleibnīku atmiņom. Itei programma teik eistynuota jau catūrtū raizi piec kuortys i īprīšk tymuos pīzadalejuši arī poši barikažu laika oculīcinīki.

Vakar Rēzeknis dūmis Socialuos apriupes puorvaldes puorstuovi gastieja pi riezeknītes Tatjanas Koroļkovas, kab sveiktu jū 100 godu jubilejā, kas apriteja 8.janvārī. Jubilarei tyka pasnīgti zīdi i izmoksuots pabolsts 100 latu apmārā.

Rēzeknis Augstškolys Maduonys filialā suokusēs studentu uzjimšona 2007./2008.studeju goda pavasara semestram. Dasciejumus pījam Rēzeknis Augstškolys Maduonys filialis birojā Maduonā Saīta laukumā 1 ,306.kabinetā. Rēzeknis Augstškolys Maduonys filialā šūbreid īspiejams studēt Profesionalajā magistra studeju programmā “Tīseibu zinuotnis” i pyrmuo leimiņa profesionaluos augstuokuos izgleiteibys studeju programmā “Byuvnīceiba” .

Paguojušajā ņedelī, pasazamynojūtīs uorgaisa temperaturai, i šūnedeļ, suokūtīs atkušņam, Jākubpilī daudzūs daudzdzeivūkļu nomu muojūkļūs izveidovās avarejis situacejis. SIA “JK nomu puorvaļdes” prīkšnīks Vladimirs Ždanoks stuosta, ka sajimti aptuveni 20 izsaukumi nūvierst iudiņs i kanalizacejis vodu pleisumus.