Daaug socialū pakolpojumu moksa Preiļūs
Izviertejūt Socialuo dīnesta snīgtū socialū pakolpojumu moksys 2007.godā i jemūt vārā puortikas preču, energo i cytu resursu saduordzinuošonūs, Preiļu nūvoda dūme nūlāmuse veikt izmaiņis Socialuo dīnesta snīgtū pakolpojumu izcenojumūs, kas paradz socialū pakolpojumu moksys daaugumu.Par vīnu iedīņreizi socialajā virtuvī, par veļis mozguošonu i dušys izmontūšonu vysaižom socialajom grupom moksa daauguse par 10 santimim. Pīvadumam, par vīnu iedīņreizi socialajā virtuvī 45 santīmi byus juomoksoj tryuceiguom personam, divejim kūpā dzeivūjūšim pensionarim voi invalidim, kurū īnuokumi iz kotru muojūklī deklarātū lūcekli napuorsnīdz 100 latus.
Riezeknis Socialuos apryupis puorvaldis eistenūtuo tradicionaluo Zīmassvātku lobdareibas akceja, kuruos laikā moztureigī pylsātas dzeivūtuoji par breivu var sajemt korstas pušdines, turpinuosīs arī Jaunajā godā, pareizticeigū i vacticeibnīku Zīmassvātkūs. Pušdines par breivu tryuceiguokī riezeknīši varies sajemt nu šudines da 7.janvaram nakts patversmis virtuvī Raiņa īlā 9b nu plkst.12 da 13.30.
Zīmassvātku i Jaunuo goda svineibu laikā situaceja iz Latvejas ceļim nav byuteskai izalobojuse – gon aizturātū īreibušū autovadeituoju, gon būjāguojušū skaits saleidzinojumā ar beidzamū godu nav samazinovs. Laika periodā nu 21.decembra da vokordīnai Latvejā ceļu satiksmis nagadejumūs būjā guojuši 12 i īvainūti 146 cylvāki. Vecgoda vokorā, 31.decembrī, ceļu satiksmis nagadejumūs Latvejā būjā guojuši treis cylvāki, bet vokor – diveji cylvāki.
