Pasuokums “Latgalīšu rokstu gaismā”

26.decembrī Rēzeknē, Latgalīšu rakstnīceibys muzejā Pīters Luocs aicynova iz pasuokumu “Latgalīšu rokstu gaismā”. Pīduovojam puors fotošaļtenis nu ituo pasuokuma.

Jaunuokū informaceji par izdūtajom i gotovuošonā asūšajom gruomotom snīdze Juoņs Elksnis. Vokalais ansamblis (Ontona Matvejāna vadeibā) nūdzīdova daudz skaistu latgalisku dzīšmu. Tai kūpeigi puorrunojūt dažaidus nūtykykumus saisteibā ar latgaliski drukuotū vuordu paguo divejis stuņdis i vysim jau beja juosasteidz pa sovom dareišonom.

Lels paļdis Pīteram Luočam par sareikuotū pasuokumu. Lakuga.lv aicynoj ari Tevi apmeklēt Latgalīšu rakstnīceibys muzeju, kuramā ir daudz dažaidu interesantu materialu, kū pieteit varātum pat vairuokys dīnys nu vītys.