Latgolys Radejis zinis (14.12.2008.)

Šudiņ plkst.16.00 Dauguopiļs universitātis Muokslys galerejā tiks atkluota izstuode- tierdzeņš ”Mandarinu elpa”. Iz izstuodi ir aicynuoti gon vysi muokslys cīneituoji, gon tī, kas muokslys vierteibys gryb īpazeit pirmū raizi. Kotrs puordūtais dorbs varātu kliut par sova veida atbolstu jauņīm talaņtim i sekmāt jūs rodūšū izaugsmi.

Šudiņ Bolvu kulturys centrā turpinuosīs tautys daņču festivals”Viļksam kūšu zalta jūstu apkuort sovu tāvu zamai”.Koncerts teik veiduots Zīmyssvātku nūskaņuos ar nūsaukumu ”Dvāseļeyta”.Tys sastuovās nu četrom idejiskom daļom- Sņīgs,Zvaņeņš,Svaceytis,Salavecss.Skateituojus ar Latgolys nūvoda i Bolvu rajona horeografu veiduotīm daņčim prīcās 12 Bolvu rajona deju kolektivi.

Šudiņ Preiļu kulturys centrā Latgolys reģionālīs Mutis centrs reikois konfereņci par zūbuorstņīceibys apriupys strateģeju mutis veseļeibys sagloboišonā.Konfereņcā tiks uzsvārta kaiteigūs faktoru ītekma iz bārnu zūbu veseļeibu,tuos uzloboišonu i profilaktiskū dorbu.

Šudiņ Rāzekņis dūmis sādā plānoits ļamt par ļeidzekļu dašķieršonu absorbējūšūs materialu īguodai naftys produktu savuokšonai AS “Rāzekņis autobusu parks” teritorejā .Jau ziņuojam, ka ituo goda 25.novembrī timā nūtyka dīzeļdegvīlys nūpliuda. Pošlaik “Rāzekņis autobusu parka”puorstuovi veic pīsārņoituos augsņiss savuokšonu, atsuokta grāvju krostu teireišona i utilizacejias pasuokumu veikšona.

Šudiņ Ludzys rajona tīsa izskatās vierīņeigū nalegāluo spirta ļītu,kurā apsiudzeiti Raitis Kononovs i Arnis Lelis.Apsiudzeiba uzruodeita – par muitoišonai pakļautuos precys- 31 520 litru spirta-globoišonu igatavoišonūs tū reaļizāt personu grupā peic īprīkšejis vīnoišonois.

Šudiņ plkst17 Dauguopiļī,Vīņeibys laukumā, tiks īdagta centrāluo Zīmyssvātku agļa,kuru veidoj konstrukceja nu apmāram 400 mozom agļeitam.Ar kruosainom maņteņom i spuļdzeišu virteņam izgraznoituo zaļūksna ir nūvītuota iz paaugstinuojuma Vīņeibys laukumā.Gaidūt Zīmyssvātkus i Jaunū godu,piļsātys centrālejuos īluos tiks uzstuodeitys arī iluminācejis.

Šudiņ nūtiks Rāzekņis augškolys inkubatora ideju Gastņeicys atkluošona, i tuos ītvorūs arī akceja ”Jauņīs Rāzekņys uzjiemiejs”,kurys mierķis ir veicinuot sabīdreibys pozitīvū vīdūkļi par nūzadorboišonūs ar uzjiemiejdarbeibu,rūsinuot jauņīšu interesi par privātū uzjiemiejdarbeibu i veicinuot tuos izvieļi kai persoņeigū nokūtņis karjeru.Akcejā aicinuoti pīzadaļāt visi rāzekņīši,piļsātys bārņi i gosti .

Šūvokor plkst.19.00 ar programmu ”Baroka Zīmyssvātki” Dauguopiļs muzykys vidušškolys koncertzāļā uzastuosīs Latvejis Nacionālīs simfoņiskīs orķestris i kamerkuors ”Ave Sol”.Koncerta programmā īkļauti Vivaldi, Hendeļa, Baha, Šarpantjē skaņdorbi.
Šudiņ plkst. 16.00 Rāzekņys festivala parkā tiks īdagta 18.metrus augstuo piļsātys agļa, kuru veidoj eipaša metāla konstrukceja ar timā īvitoitom mozuom agļeitam i zorim.Nūslāpumainū svātku breinumu atkluos Salavecss,kurš aicinuos bārnus sviņeigi īdagt agļi.Atkluošonā klotasūšūs prīcās kulturys noma bārnu koļektivi “Dziguči”deju sūļi i “En-den-di-no” šmukuos dzīsmis.Mozuokī skateituoji varās pīzadaļāt jautrois rūtaļois i daņčūs.