Zalāns ar lelū pylsātu puorstuovim apsprīss aktualitatis pošvaldeibu dorbā
Reģionaluos atteisteibas i pošvaldeibu lītu ministrs Edgars Zalāns šudin tiksīs ar Latvejas Lelū pylsātu asociacejas puorstuovim, kab puorrunuotum vairuokus pošvaldeibom aktualus vaicuojumus.Sazatīkut ar Daugavpils, Jelgovys, Jyurmolys, Līpuojis, Riezeknis, Reigas, Ventspils, Valmīras i Jiekabpils pylsātu dūmju prīšksiedietuojim, paradzātys diskusejas par pošvaldeibu finanšu izleidzinuošonas sistemas pylnveidūšonu i administrativi teritorialuos reformas eistenūšonu. Ministrs īpazeistinuos ari ar sagatavūtajim prīšklykumim grūzejumim lykumā “Par pašvaldībām”.
Šudiņ i reit Daugavpili i Riezekni apmeklies ASV viestnīceibas padūmnīks politiskajūs vaicuojumūs Less Džonstons.Sovejā Latgolas vizeitē amerikaņu diplomats lelu izmaneibu paredziejs velteit vacticeibas īpazeišonai. Jis paredziejs tiktīs ar Latvejas vacticeibnīku bazneicas padūmis prīšksiedietuoju tāvu Aleksandru Žilko, apmekliet Slutišķu muzeju,tiktīs ar vacticeibnīku draudžu puorstuovim, kai ari apmekliet lyugšonu nomus, kopsātys i bazneicas.
Šudiņ Daugavpils televizejā “DauTKom” nūtiks taišņraide, kuramā iz dzeivūtuoju vaicuojumim atbildies pylsātas saiminīceibas specialisti i pošvaldeibas atbildeigī darbinīki.Taišņraižu cikls Daugavpils televizejā turpinuosīs da 18.decembram. 17.decembra laidīņa tema byus saisteita ar ceļu remontu i transportu, bet 18.decembrī televizejas studejā iz vaicuojumim atbildies Daugavpils dūmis vadeiba. Laidīņūs paradzāts apkūpūt aizejūšuo goda rezultatus, diskutiet par īdūmuotajim projektim i apsprīst atīsmis perspektivas.
Preiļu nūvoda dūme kuortejū reizi pagarinuos konkursa “Logo “Preiļiem-80″” dorbu īsnīgšonas termiņu. Darbu īsnīgšonas termiņš 15.decembrī tiks pagarinuots par mienesi, jo da šam konkursam īsyuteitī dorbi naatbilst pošvaldeibas prīškstotam par tū, kai vajadzātu izaviert Preiļu pylsātas logo. Īprīšk dorbu īsnīgšonas termiņš tika pagarinuots da 26.novembram i sovejūs dorbus konkursam īsnīdza 33 daleibnīki.
Šudiņ sešūs vokorā Riezeknis pylsātas kulturas nomā nūtiks Riezeknis Jezus Sirds katedralis bārnu i jaunīšu kūra “Mirabilis” i J.Ivanova Riezeknis muzikas vidusškolas audziekņu koncerts “Spožāk zvaigznes mirdzēt sāk..
