Pašvaļdeibys lemj par olgys pīaugumu i izavielej golvonū Zīmyssvātku egli
Šudiņ Latgloys apgoboltīsa pasludynuos sprīdumu Leivonūs pa lūgu izmastuo zeidaiņa lītā. Prokurors 1955.gadā dzymušū Raisu Kirilovu, kura tīk apsyudzāta par sova mozbārna izmešonu pa lūgu pārnuo goda septembrī, prosa struopēt ar breiveibys atnimšonu iz 11 godim, pīmārojūt montys konfiskaceju i policejis kontroli iz treis godim. Jau tyka ziņuots, ka pārnuo goda 30.septembrī Jākubpiļs slimneicā nu gyutajom traumom nūmyra 2,5 mienešus vacs zeidaineits, kurs beja izmasts pa lūgu nu caturtuo stuova. Bārna vacuokim kriminālapsyudzeiba nav calta pīruodejumu tryukuma dieļ.
Kruoslovys nūvoda dūmes sēdē šudiņ apsprīss pošvaļdeibys i tuos pakļauteibā asūšū uznāmumu i īstuožu struodojūšu dorba olgys pīaugumu, kas nuokmugod varātu byut par 15%-20% leluoks. Vaļdeibys īscātais 10% dorba olgys palīlenojums byutu napītīkams, lai mozynuotu cylvāku aizplyušonu iz Reigu i uorzemem, jū Kruoslovys nūvodā īstuožu i uzņāmumu darbinīku olgys ir zamuokys naikai videji vaļstī.
Šudiņ Jākubpiļs dūmes vadeiba dūsīs iz Dīnvidlatgolys mežsaimnīceibu Sēlpiļs īcirkņa mežu, lai izavālātūs golvanū Zīmyssvātku egli. Svātku eglis īdegšona Vacpiļsātys laukumā paradzāta 13. decembrē pl. 17.00. Īsadegt egleitei paleidzēs Jākubpiļs dūmys prīkšsādātuojs Leonīds Salcevičs, bet ar Zīmyssvātkuīskanys programmmu klotasūšūs prīcēs dzīduotuoja Olga Rajecka.
Itamā dīnā pl. 15 Kruoslovys nūvoda dūmē nūtiks Augusta i Reigys īlu rekonstrukcijas domuentacejis apsprīšona. Rekonstrukcejis projekts paradz nūmainēt itamuos īluos komunikacejis, ceļa braucamuos dalis i guojeju celiņu sagumu, uzlobūt apgaismojumu i puorplanuot zaļū zonu. Projekta aptuvenuos izmuoksys ir 3,5, miljoni latu. Pīsadalēt sabīdriskajā apsprīšonā aicinuoti Kruoslovys nūvoda īdzeivuotuoji.
Šudiņ aizsardzeibys ministrs Atis Slakteris (TP) apbolvūs Aizsardzeibys ministrejis organizātuo zynuošonu konkursa 9.-12.klašu školānim “NATO – gadu pēc Rīgas samita” uzvarātuojus. Konkursā pīsadaleja školāni nu vysim Latvejis regionim, nu vysu aktyvuokī šūgod beja Latgolys regiona puortuovji. Trešū gūdolguotū vītu uzvarātuoju vydā īgiva ari Jākubpiļs Vaļsts ģimnazejis 12.a. klase.
Dīnvidlatgolys NVO atbolsta centrs (Latgolys regiona NVO resursu centrs) ituo goda 14. decembrī organizej bezmoksys seminaru “Ar projektu iz TU” Bolvu rajona navalstiskūs organizaceju i pošvaļdeibu darbinīkim, kai ari cytim interesentim par projektu raksteišonu. Seminara mierki ir informēt īdzeivuotojus par finansejuma pīsaistes īspiejom, skaidruot kai pareizi i efektīvi aizpildamys projektu dasacejumu veidlopys. Dasasaceišona seminaram da 13. decembram, syutūt e-postu ar vuordu, uzvuordu i kontaktinformaceju iz adresi linda@nvoc.lv
Pārnajā dīnnaktē samozynovušuos kravys automašynu ryndys iz Latvejis i Krīvejis rūbežys. Terehovys rūbežkontrolis punktā šūreit izbraukšonu nu vaļsts gaideja 940 kravys auto, kas ir par 160 mozuok nakai vakar, sovukuort Grebņovā šūreit gaideja 450 transportleidzekļi, kas ir par 25 automašynom mozuok nakai vakar.