Latgalīšu etnokuļturys centra pyrmais pasuocīņs
Tyka saaicynuoti folkorys kūpu un etnografiskūs ansambļu vadeituoji un dalinīki, tautys amatnīki, muzykanti, tautys muokslys specialisti, kuļturys darbinīki, Latgolys pietnīki, uzjiemieji, pošvaļdeibu puorstuovi un interesenti.
Suokumā beja bīdreibys prezentaceja, piec tam sovā pīredzē dalejās leidzeigu organizaceju puorstuovi nu Lītovys i Igaunejis. Tod diskuseja „Kaidys ir etnokulturys atteisteibys īspiejis globalizacejis apstuokļūs?” (vadeja Vaļentins Lukaševičs) pīsadaleja A.Uškāns, G.Igaunis, R.Cibule, A.Kapusts i V.Labinskis.
Piec diskusejis beja saguoduots apsūleitais svātku golds un večerinka kūpā ar latgalīšu tautys muzykantim.
Bīdreiba „Latgolys Etnokulturys centrs” dybynuota 2007.gods 19.julī (reģistrāta Latvejis Republikys Uzjāmumu Reģistrā 2.augustā) ar mierķi saglobuot, atteisteit un popularizēt latgalīšu tradiconaluos kulturys boguoteibys Latvejā un uorzemēs.
Bīdreibys attaisiešonys pasuocīns asūt nūtics bīdreibys „Daugavpils rajona partnerība” atbaļsteita projekta „Sabiedrībai par biedrību „Latgalīšu Etnokulturys cents” ītvorā. Pasuocīni atboļsteja arī Daugovpiļs rajona padūmis Tautys izgleiteibys un kuļturys centrs, A/S „Aldaris” un Vabalis pogosta padūme.
Vaira informacejis prosit iz e-postu: lgekc@inbox.lv voi zvonit iz teleponim: 26763573 (Inta), 29701775 (Artūrs), 29108392 (Anna)
Informaceja par nuokamajim LgEKC pasuocīnim byus ari Latgalīšu kuļturys gazetā.
