Pašvaļdeibys planavoj nuokūtnis darbeibys virzīņus
![](https://lpr.gov.lv/wp-content/uploads/2005/dezuratteli/79.jpg)
Solvita Avotiņa vakar informieja Latgolys Radeju, ka Bolvu piļsātys dūme i pošvaļdeibys administracejis specialisti, tivojūtīs goda nūslāgumam, izviertej paveiktū i planoj nokūtnis darbeibys virzīņus. Piļsātys dūme ir sagatavojuse aptaujis anketys i aicynoj piļsātys, snīdzūt atbiļdis iz vaicuojumim, paust sovu skatiejumu iz padareitū i izsaceit sovys vieļmis i vajadzeibys. Eipaši specialisti prīcoisīs par īdzeivoituoju radūšom idejom. Anketu īspiejams aizpiļdeit arī elektroniski, Bolvu piļsātys interneta sātys lopā.
Reit, Daugavpils mokslys vydsškola ”Saulis škola” sviņās sovu 90.dzimšonys dīnu. Muokslys vydsškolys ”Saulis škola” 90.godu jubilejis pasuokums plkst.10.00 īvadeis Atvārtūs durovy dīna. Savukuort svineigīs pasuokums Daugavpils rajona kulturys nomā ”Vuorpa” soksīs plkst.16.00. Tam sekois absolventu bals.
Šudiņ Balvu dūmis sēdē planuots skateit vaicuojumu par projekta ”Iudiņssaimnīceibys atteisteiba Austrumlatvejis upju basenim pošvaļdeibuos, 2 kuorta” koardineišonu Bolvu piļsātā. Kūpumā taida veida projekti teik realizeiti 19 Latvejis piļsātois. Dorbi izmoksuos aptuveni 2,6 miljonus latu.
Augstuokuo tīsa šudiņ apelācejys kuorteibā skateja kriminallītu, kurā par bolsu uzpierkšonu pošvaļdeibu vieleišonuos apsyudzāts Rēzeknis bejušais mērs Juris Začests, kai arī Grigorijs Bekasovs i Olga Skutāne. Apelācejis syudzeibys par Latgolys obgoboltīsys sprīdumu īsņīdze apsyudzeitī, kuri nūlīdz sovu saisteibu ar bolsy pierkšonu Rēzeknē.