DU rektora inauguracejis pasuokums
Šudiņ Preiļūs dorba vizeitē īsarass Norveģejas viestnīks Nilss Ūlavs Stāva i tiksīs ar Preiļu nūvoda dūmis prīšksiedietuoju Aldi Adamoviču i prīšksiedietuoja vītnīku Oļegu Hļebņikovu. Dīnas gaitā Stāva īsapazeis ar leluokū sīra eksportātuoju Latvejā – AS “Preiļu siers”, tiksīs ar Preiļu Valsts ģimnazejas vadeibu i pedagogim, kai arī apmeklies Preiļu Golvenū biblioteku i Preiļu rajona bīdreibu “Nevalstisko organizāciju centrs”.
Daugavpils Universitātē šudiņ četrūs nūtiks rektora Arvīda Barševska inaugurāceja. Inaugurācejis laikā Daugavpils dūmis prīkšsādātuoja Rita Strode i Daugavpils rajona padūmis prīkšsādātuoja Janīna Jalinska pasnīgs Barševskim rektora omota ķēdi. Piec tuos sajimšonys jis nūlaseis svineigū DU rektora zvārastu. Piec inaugurācejis nūtiks saksofonistu kvarteta “N[e]xt” koncerts.
Šudiņ vīnūs Reigys apgoboltīsa plānoj vērtēt aizdūmuos par saisteibu ar vierīneigū Latgalis kontrobandys lītu apcītynuotajam Zylupis nūvoda mēram Oļegam Agafonovam pīmāruotū drušeibys leidzekli. Jau ziņuojem, ka Reigys piļsātys Vidzemis prīkšpiļsātys tīsa Agafonovam pīmāruoja drūšeibys leidzekli – apcītynuojumu. Itys lāmums tyka puorsyudzāts. Latgalis kontobandys lītā da šam aizturāti 15 cylvāki.
Šudiņ četrūs Rēzeknis rajona padūmis zālē nūtiks Latvejis Republikys 89. godadīnai velteits pasuokums. Svātku pasuokumā par profesionālu, gūdpruoteigu i rodūšu dorba davumu sova nūvoda i vaļsts lobā tiks pasnīgti Rēzeknis rajona padūmis Atzineibys roksti i bolva – Latvejis jubilejis vīna lata sudroba monēta “Valsts atdzimšana”, “Latgale” ci “Laika monēta”.
Šudiņ stuojās spākā jaunī AS “Daugavpiļa syltumteikli” saražuotuos siltumenerģejis i elektroenerģejis tarifi. Nu šudiņdīnys koģenerācejis stacejā saražuotuos syltumenerģejis tarifs byus 23,25 lati par megavatstuņdi bez PVN, sovukuort elektroenerģejis tarifs byus 35,44 lati par megavatstuņdi.
Šudiņ Daugavpils dūmis telpuos nūtiks opoluo golda diskuseja “Ko Daugavpilij devusi Latvijas iestāšanās Eiropas Savienībā”. Nūtiks saruna par Daugavpils atteisteibys īspiejom, tiks analizāts Daugavpils i Krīvejis sadarbeibys paplašynuošonys īspiejis.
Šudiņ Rēzeknē i Daugavpilī suokā Latvejis Republikys naatkareibys proklomiešonys 98. godadīnai veļteiti pasuokumi. Šūvokor sešūs Rēzeknis piļsātys Nacionālū bīdreibu kultūrys nomā nūtiks Vaļsts proklomiešonys dīnys svātku īskaņis pasuokums-koncerts “Par ko runāja vakar”. Daugavpilī kinoteātrī “Renesanse” byus skotama Daugavpils bārnu muokslys školys audziekņu dorbu izstuode “Veļtejums Latvijai”.
