Školuotuoju dīnai veļteiti pasuokumi
Šudiņ (3.10.2007.)Daugavpils teātrī nūtiks Školuotuoju dīnai veļteits svineigs pasuokums. Pasuokumā paradzāts apbolvuot 2006./2007. vuiceibu goda lobuokūs školu i pyrmsškolys izgleiteibys īstuožu pedegogus, kurū audziekni ar panuokumim startiejuš vaļsts nūvoda olimpiadēs i konkursūs. Piec tam paradzāts koncerts ar Daugavpils doncuotuoju pīsadaleišonu. Arī Rēzeknē pilsātys kulturys nomā nūtiks Školuotuoju dīnai velteits pasuokumums, kurā tiks sveikti piļsātys izgleiteibys īstuožu darbinīki.Šudiņ sešūs Rēzeknis nacionālū bīdreibu kultūrys nomā nūtiks nacionālū bīdreibu tikšonuos ar īpašu uzdevumu ministru sabīdreibys integrācejis lītuos Oskaru Kastēnu i Naturalizācejis puorvaļdis prīkšneicu Eiženiju Aldermani. Tikšonuos laikā Rēzeknis mozuokumtauteibu bīdreibu puorstuovji informēs par reikuotojom aktivitātem i puorrunuos aktuālūs vaicuojumus, kai sekmēt nacionālū bīdreibu enniskū integrāceju.
Šudiņ Kruoslovys rajona Skaistys pogostā, atpyutys kompleksā “Dridži” nūtiks konference “Iz 2 ritiņim pa 3 vaļstim”. Pyrms konferencis tuos daleibnīki apmeklēs VAS “Latvejis vaļsts meži” Prīdainis skotu tūrni i velomaršrutu “Saulkrostu toka” . Projekta realizācejis rezultātā teik pilnveiduota i uzlobuota velotūrisma infrastruktūra, labīkuortuoti velotūrisma maršruti Lītuvā, Latvejā i Baltkrīvejā.
Nu šudiņdīnys leidz 9. oktobram Ludzys dūmis delegāceja dūdās komandiejumā iz di Rovigo provinci Itālejā, kur pīsadola piļsātu sadraudzeibys starptautiskajā konferencē par sīvītis i veirīša vītu Eiropā. Delegācejā ir Ludzys dūmis prīkšsādātuoja Valentīna Lazovska, deputāts Juris Atstupens i divi pošvaļdeibys darbinīki.
Šudiņ Jākubpili apmeklēs īpašu uzdevumu ministre elektroniskuos puorvaļdis lītuos Ina Gudele. Kūpā ar ministri Jākubpilī īsarass arī ministris biroja vadeituoja Rigonda Balgalve-Abrama, ministris presis sekretāre Inese Auniņa i Latvejis Interneta asociācejis vadeituojs, projekta “Jēkabpils pilsētas domes informācijas centra elektroniskie pakalpojumi iedzīvotājiem un uzņēmējiem” konsultants Viesturs Plešs. Jākubpilī gosti īpasazeis ar e-puorvaļdis eistynuošonys gaitu, aktuālajim e-puorvaļdis projektim, kai arī sveiks Jākubpils dūmis puorstuovjus ar veiksmeigū startu Eiropys e-puorvaļdis 2007. goda bolvys finālā.
Šudiņ Čornajas pogostā nūtiks Latgalis nūvoda školānu sporta spieļu organizatoru seminārs. Seminārā daleibu jims Latgalis nūvoda rajonu i piļsātu Bārnu i jaunatnis sporta školu direktori, direktoru vītnīki i metodiķi. Semināra laikā teik plānuots izstruoduot Latgalis nūvoda školānu sporta spieļu nūlykuma projektu 2007./2008. vuiceibu godam.
