Labkluojeibys ministre Daugavpilī

Šudiņ (28.09.2007.) Daugavpili apmeklej lobkluojeibys ministre Dagnija Staķe, lai ar Daugavpils piļsātys i rajona pošvaļdeibu vadeituojim, kai arī pensionaru i invalidu bīdreibu puorstuovjim apsprīstu aktualūs socialūs vaicuojumus. Sarunys byus par ituo strāča aktualitātem lykumdūšonā, pabolstu i penseju sitēmā. Ministre informēs pensionarus par oktobra penseju indeksaceju, kurys rezuļtatā vacuma penseja videjai pasalelynuos par 15 latim, i Lobkluojeibys ministrejis planuotū damoksu pi vacuma pensejis dubultuošonu nuokušā godā.

Šudiņ Jākubpiļa rajona pošvaļdeibys aģentūrā “Buoreņu noms “Līkumi”” tiks atkluots saimju i uorpussaimju alternatīvuos apryupis atbolsta i krīzis centrs. Centrā tiks organizātys atbolsta grupys aizbildņim, audžuģimeņu vacuokim, vacuokim, kurim gryši sasaprast ar bārnim, speciālistim, kurī struodoj ar saimem i bārnim, kai arī tiks apkūpuota i snīgta metodiskuo paleidzeiba konkrētim speciālistim.

Šudiņ Rēzeknis dūmis uorkuortis sēdē plānuots skateit vaicuojumu par kapitālsabīdreibys dibynuošonu syltumapguodis vaicuojumu risynuošonai piļsātā. Jau ziņuots, ka pošvaļdeiba nūlēme jimt Vaļsts kasē aizdavumu 4 miljonu latu apjūmā syltumapguodis problemu rysynuošonai. Aizdavumu plānuots jimt iz 25 godim ar īguļdejumu jaunajā kapitālsabīdreibā syltumapguodis nūdrūšynuošonai.

Šudiņ i reit, Rēzeknē, Vaļsts rūbežsardzis koledžā, nūteik Vaļsts rūbežsardzis 5. rūbežnūreikuojuma sacenseibys. Sacenseibuos daleibu jims Vaļsts rūbežsardzis Valmīrys, Viļakys, Ludzys, Daugavpils, Jelgovys, Līpuojis, Ventspils i Reigys teritoriālū puorvaļžu komandys. Sadarbeibys veicynuošonai sacenseibuos ir aicynuoti pīsadaleit arī Lītuvys, Igaunejis i Pūlejis rūbežsorgu muoceibu īstuožu puorstuovji.

Šudiņ Daugavpilī nūtiks pasuokums “Zynuotnīku nakts”.“Zynuotnīku nakts” pasuokums suoksīs sešūs ar zynuotnis kafejneicys tīšraidi nu Latvejis Universitātis “Dzeive bez dopinga – dzeive bez kaisleibom”, ostoņūs suoksīs interaktīva lāzeru demonstriešona, naktstauriņu vāruošona, sarunys par bioloģiskuos daudzveideibys pietejumu metodem ekspedīcejuos, kai arī nūtiks zvaigžņu tiemiešonys akceja “Zvaigznis viers Daugavpiļa”