Jākubpilī slepkaveiba saisteita ar biznesu
Policeja izvirzejuse verseju, ka Jākubpiļa uzjiemieja Gata Aišpura slepkaveiba ir saisteita ar juo biznesu. Sovukuort vakar Latvejis Televizejis raidejums “Panorama”, atsasaucūt uz naoficialim informacejis olūtim, izvirzejs verseju, ka slepkaveiba varātu byut bejuse kaidys vītejuos kriminaluos autoritatis atrībeiba. Aišpurs bīži maneits vītejūs kriminalūs autoritašu sabīdreibā, ziņuoja “Panorama”.27. i 28.septembrī, Rēzeknē, Vaļsts rūbežsardzis koledžā, nūtiks Vaļsts rūbežsardzis 5. rūbežnūreikuojuma sacenseibys. Sacenseibuos daleibu jims Vaļsts rūbežsardzis Valmīrys, Viļakys, Ludzys, Daugavpils, Jelgovys, Līpuojis, Ventspils i Reigys teritoriālū puorvaļžu komandys. Sadarbeibys veicynuošonai sacenseibuos ir aicynuoti pīsadaleit arī Lītuvys, Igaunejis i Pūlejis rūbežsorgu muoceibu īstuožu puorstuovji.
Šudiņ Jākubpils rajona teritorejis plānuojuma Vaļsts i pošvaļdeibu pakalpuojumu i ar tū saisteituos infrastruktūrys apakšgrupys sēdē tiks prezentāti materiāli par Jākubpils rajona perspektīvū atteisteibu.
Šudiņ saisteibā ar AS “Latvenergo” paradzātū puorbaužu veikšonu byus slāgta Ceļu satiksmis drūšeibys direkcejis Bavu nūdaļa. CSDD Balvu nūdaļā nabyus īspiejams veikt transposrtleidzekļu tehniskū apskati i reģistrāceju.
Da ituo goda 31. decembram sabiedriskuo transporta pakalpuojumi visim pensionārim Rēzeknē byus par puscenu, 20 santimu vītā par braukšonu byus juomoksoj 10 santimi.
Šudiņ Rēzeknis rajona padūmis telpuos nūtiks Latgalis pūdnīku sanuoksme, kuramā tiks izskateits goda darbiebys plāns, Jau tagad juoplānoj izstuožu nūrisis laiki, juopuorrunoj “Pūdnīku dīnu” gaita, kas nuokušgod nūtiks jau 28. reizi i tradicionāli apreļa beidzamajā nedeļā, kai arī juoizskota citi vaicuojumi.
Nu šudiņdīnys da 29. septembram Daugavpils Universitātē nūtiks 5. Starptautiskuo zinuotiniskyuo konference “Muzykys pedegoģejis problemys”. Konferencē par dažaidom myusdīnu muzykys pedegoģejis problemom diskutēs 64 muzykys školuotuoji nu Anglejis, Austrālejis, Igaunejis, Lītuvys, Nigērejis, Portugālis, Sūmejis i Zvīdrejis.
Šudiņ Daugavpils Latvīšu kultūrys centra koncertzālē nūtiks Daugavpils kamerorķestra pyrmuos koncertsezonys atkluošonys koncerts “Saspēlis valdzynuojums”. Koncertā Aivara Broka vadeitais orķestris uzastuos gon kai klasiskais kamerorķestris, izpyldūt baroka muzykys programmu, gon arī kai simfoniskais orķestris, spielejūt XX godsymta muzyku.
Laiks Latgolā: Muokūņains laiks. Dīnvydaustrumu viejš 3-8 m/s. Maksimaluo gaisa temperatura dīnā +15…+17º.
