Ludzas dūme vielej pošvaldeibas prīkšsiedietuojas vītnīku
Šudin, 26.septembrī, Ludzas dūmis siedē planuots vielēt pošvaldeibas prīkšsiedietuojas vītnīku. Īprīšk Ludzas dūmis prīkšsiedietuojas vītnīka dorba pīnuokumus veica Fridijs Bokišs.Jau ziņūts, ka Bokišs nu dorba pīnuokumim atbreivūts ituo goda 17.majā, taču dorbu pošvaldeibā turpinovs da 22.juņam, taidā veidā, juo pruot, apstreidams tū dokumentu juridiskais spāks, kurūs jis kai Ludzas dūmis deputats parakstejs ituo laika pūsmā.Īprīšk Ludzas pylsātas vieliešonu komiseja nūlāmuse, ka bejušuo deputata Bokiša vītā par Ludzas dūmis deputata kandidstu ir izaicinoms Sergejs Bogdanovs.
Šudiņ Daugavpilī, gostneicā “Park hotel “Latgola””, nūteik seminars “Atbalsta iespējas komercsabiedrībām”.Seminarā uzņiemeji tiks informāti par valsts atbolsta programmas “Dalība starptautiskās izstādēs un tirdzniecības misijās” pamotnūsacejumim, par pluonūtajom valsts atbolsta programmom 2007.-2013.godam, par inovaceju kulturu i valsts atbolstu inovativajai uzņiemiejdarbeibai.
Šudin i reit,Riezeknis rajonā gastej Norveģejas sadarbeibas partneri.Vizeitis laikā pluonūts puorrunuot tuoļuokū sadarbeibu i sadarbeibas leiguma pagarinuošonas nūsacejumus storp Riezeknis rajona padūmi, Riezeknis dūmi i Norveģejas pošvaldeibom Austagderu i Ārendali. Riezeknis rajona padūmis siedī tiks pasnīgts gūda roksts Sverem Fossem, kuryis nu 1996.goda da 2007.godam ir bejs sadarbeibas koordinators.
Beidzamajā dīnnaktī otkon byuteskai pasalelinuojuš krovas mašinu ryndas iz Latvejas i Krīvejas rūbežas Grebņevas i Terehovas rūbežkontrolis punktūs.Terehovas rūbežkontrolis punktā itamā reitā izbraukšonu nu valsts gaideja 1170 krovys mašinas, kas ir par 170 spākrotim vaira nakai vokor. Sovukuort Grebņevā izbraukšonu nu valsts itamā reitā gaideja 350 krovys mašinas, kas ir par 170 krovys mašinom vaira nakai vakar.
