Daugavpilī diskutej par dorba vītu drūšeibu
![](https://lpr.gov.lv/wp-content/uploads/2005/dezuratteli/79.jpg)
Riezeknis pylsātas Jaunīšu dūme i Riezeknis pylsātas Izgleiteibas puorvalde jaunatnis iniciativu projekta gaitā izsludinovusi fotokonkursu “ZOOM – IN”, kuramā Riezeknis pylsātas i rajona jaunīši ar fotoobjektiva paleidzeibu var izsaceit sovejū redzīņi par jim aktualom temom.Fotokonkursā var dasadaleit školu jaunatne nu 15 godu vacuma i vysi jaunīši vacumā da 25 godu. Kab dasadaleitu konkursā, kotram daleibnīkam juoaizpilda dasacejuma anketa, kas daejama “www.rezeknesip.lv” sadaļī “Jaunatnei” i Riezeknis Izgleiteibas puorvaldē.
Svātuo mūcekļa Avakuma bazneicas caltnīceibu Jiekabpilī, Neretas i Akurātera īlas krystojumā, pylsātnīki viertej navīn nūzeimeigi. Byuvnīceibas īceris publiskuos apsprīšonas laikā sajemtas 516 anketas, nu tuom 401 pausts atbolsts jaunuos bazneicas byuvnīceibai, bet 115 – protests. Kaidu anketu, kas vārsta pret bazneicas byuvnīceibu, parakstejs 301 cylvāks.Byuvnīceibas īceris atbalsteituoji atzeist, ka jaunuo bazneica byušūt skaista, tei arī atrisinuos grāksyudzis vītu tryukuma problemu.
Reit, Ludzas rajona Malnavā i Kuorsovā nūtiks grupas “Borowa MC” trešuo muzikas video klipa filmiešona dzīsmai “Baba Toņa Inženers” nu grupas ūtruo studejas albuma “Plastilīna pasaule”. Klipa sižeta pamotā ir traktoru dragreiss – parodeja par myuslaiku jaunīšim, kas brauc ar “bumeriem”. Sižeta golvenuo varūņa lūma izticāta “babai Toņai”. Da šam grupai tapuš diveji video klipi – dzīsmem “Siļva” i “Puseite”.